محاورة قوية بين ماجد العضياني و فيصل الرياحي

[مدسم الشوارب]

السلام عليكم ورحمة الله وبركاته

هذه محاورة بين الشاعر ماجد العضياني والشاعر فيصل الرياحي
كانت في قاعة المستشار في20/11/1426 حفل تخرج ابناء قبيلة عتيبة الطيارين الضباط
وبحضور الشاعر الكبير مستور العصيمي والشاعر زيد العضالة المطيري

ماجد العضياني:
مرحبا بسم الشيوخ اهل الشجاعة والحمية
الزحول من الرجال الا طحاطيح الرجالي
اسم فيصل فالدفاتر بالحروف الابجدية
فالدفاتر قبل اشوفه بالعمامه والعقالي

فيصل الرياحي:
البقاء لعتيبة الهيلا و الك مني تحية
جيت اشارك ثم ابارك مع مطانيخ العيالي
لا لقيت اسمي ترا اسمي ماتحمله المطية
مار ياماجد تجمعنا ولمتنا الليالي

ماجد العضياني
السحابة فالسماء واظن ماطرها بردية
والرعود تحن والبراق في مزن الخيالي
والله انا يالرياحي ماندور للردية
انتحرى الطيبة في سوقها لو كان غالي

فيصل الرياحي
السحابة لا تغيرها الرياح الموسمية
جعلها تسق الجنوب وجعلها تسق الشمالي
انت ياماجد مزوح وشايفك تمزح علية
مازح امطير اوعتيبة لاتمازحني لحالي

ماجد العضياني
انت عية مار ابا اقف لك ولو مانيب عية
فالسهل والا يابن منصور في روس الجبالي
ان شعمت النار تلقى نارنا بالعز حية
وان بغيت الكيف عان الكيف في صفر الدلالي

فيصل الرياحي
انت لهالحين في خارج نطاق الجاذبية
لاتحط الحلو مر ولا تحط المر حالي
ما ابغي الا اطلعك فالمملكة والفيصلية
يالعتيبي مابغا اعدك غير واحد من عيالي

ماجد العضياني
فالبنوك الداخلية والبنوك الخارجية
للجنيه اصرف جنيه وللريال اصرف ريالي
لا نبي ولا انته بنايف وزير الداخلية
ولا انت ابن غانم ذياب ولا انت ابو زيد الهلالي

فيصل الرياحي
صاحبي ياللي تعامل فالبنوك العالمية
طيب الذمة يفكر فالحرام وفالحلالي
كل عام فيه عيد وكل عيد له ضحيه
ياوزير الداخلية قول ماجد مايقالي

ماجد العضياني
فالبشر نفس فقيرة فالبشر نفس غنية
واحمد الله يالرياحي مكسبي من راس مالي
موت قيس ابن الملوح حب ليلى العامرية
بس ويش اتقول لن سار الرشا فوق المحالي

فيصل الرياحي
صاحبي ياللي تغني باللحون السامرية
شد حيلك لين ترضي حضرت اصحاب المعالي

[سعد الحارثي]

مشكور أخوي مدسم الشوارب على المحاورة الرائعة
و ياليت تجيب لنا المحاورة بالصوت إذا كانت عندك

[مدسم الشوارب]

المشاركة الأصلية كتبت بواسطة سعد الحارثي

مشكور أخوي مدسم الشوارب على المحاورة الرائعة
و ياليت تجيب لنا المحاورة بالصوت إذا كانت عندك

مشكور أخوي سعد الحارثي على المرور
المحاورة ماهي عند بس إنشاء أبحث عنها

[بدر المر]

السلام عليكم
شكرا لك اخي مدسم الشوارب على هالمحاورة الرائعه وانا مااعرف ماجد العضياني لاكن الناس يطرونه الي ويمدحونه واقولهم هذا من الشباب اللي ملوا اساحه موالات من غير شعر ومن غير معاني لاكن صراحه بعد قريت محاورته هذي فانا اتوقع له ان استمر على ماهو عليه ان يكون( حبيب) القادم وشكرا

[مدسم الشوارب]

المشاركة الأصلية كتبت بواسطة بدر المر

السلام عليكم
شكرا لك اخي مدسم الشوارب على هالمحاورة الرائعه وانا مااعرف ماجد العضياني لاكن الناس يطرونه الي ويمدحونه واقولهم هذا من الشباب اللي ملوا اساحه موالات من غير شعر ومن غير معاني لاكن صراحه بعد قريت محاورته هذي فانا اتوقع له ان استمر على ماهو عليه ان يكون( حبيب) القادم وشكرا

مشكور أخوي بدر المر على المرور

[الجـذع]

كفو ياذيبان والله لايهينك وياريت نسمعها او نراها فيديو


وبدر المر والله انا بتصوري اذا استمر ماجد العضياني ، محمد الغبيوي على هذا المستوى وطورو ادائهم الرائع اتوقع ان يكون لهم مكانه كبيره جدا في الساحه مستقبلا والله يوفقهم انشالله ويوفق جميع الشعار الشباب من عتيبه وغيرها.

انت لهالحين في خارج نطاق الجاذبية
لاتحط الحلو مر ولا تحط المر حالي

الله يوفقه انشالله





تحياتي....

[مدسم الشوارب]

المشاركة الأصلية كتبت بواسطة الجـذع

كفو ياذيبان والله لايهينك وياريت نسمعها او نراها فيديو


وبدر المر والله انا بتصوري اذا استمر ماجد العضياني ، محمد الغبيوي على هذا المستوى وطورو ادائهم الرائع اتوقع ان يكون لهم مكانه كبيره جدا في الساحه مستقبلا والله يوفقهم انشالله ويوفق جميع الشعار الشباب من عتيبه وغيرها.

انت لهالحين في خارج نطاق الجاذبية
لاتحط الحلو مر ولا تحط المر حالي

الله يوفقه انشالله







تحياتي....

مشكرو أخوي الجذع على المرور وبيض الله وجهك

[برق السناف]

مشكور أخوي مدسم الشوارب على المحاورة الرائعة

[مدسم الشوارب]

برق السناف
لاهنت على المرور