محمد معيوض البلاهدي _ ثمان سنين

[ابونوارالمقاطي]

يقال ان هذا الشاعر احب ابنة عمه حباً شديداً،وكان ابوها متوفى ولها أخوه ، ولماكبرت تقدم إليها ابن عمها < هذا الشاعر > ليخطبها من أخوتها ،ولكنهم رفضوه، وبعد فتره تقدم لها مره ثانيه فرفضوه، وتقدم لها في المره الثالثه وايضاً رفضوه ، فراحت السنين وبعد ثمان سنوات تقدم صديق للشاعر بدعوه لحضور زواجه وعند دخوله للحفل وقعت عينه على طفل صغير فضمه وبكى ، فخرج وارسل هذه القصيده لصديقه معتذراً له:
راحت ثمان سنين حلٍ وترحال
راحت ثمانٍ كلها مدلهمه
قضيتها بالحب والشوق رحّال
بشوقٍ تحدى كل ياسه وهمّه
سألت عنها سنين وشهور وليال
ولافيه فجٍ غير وجهت يمه
وعقب الثمان اللي تعبها برا الحال
جاب الزمان الكارثه والمطمه
جاني ولدها يبتسم بين الاطفال
ومن بسمته ذكرت انا بسمة امه
شفته وصاحت داخلي كل الآمال
بصوتٍ عجزت بكتم الانفاس لمه
وركضت له دمعي على الخد همّال
ومن كثر شوقي قمت بالحيل اظمه
ولحظة حضنته والطفل في يدي مال
شميت ريحتها على اطراف كمه
واستلهمت نفسي مقاديم الاهوال
وتم الضياع وأكدت لي متمه
ليت الغياب اللي شغل غربتي طال
ولادور العاشق على حرق دمه
واليوم بنت الناس في بيت رجال
وحبٍ على غير الشرف لي مذمه
مجبور اعود واشتكي كل الاميال
بنفسٍ حزينه كائبه مستهمه
أرجع غريبٍ مسكنه بر ورمال
يموت .. يحيى.. يندفن.. مايهمه

منقول :



للشــــــــــاعر / محمــــــد معيــــــــوض البـــــــــــــلاهــدي