الشاعر الكبير، ملفي المورقي قـــــالـو تـــــود وقلــــت ودٍ يهـــــوّل - الهيـــــــــــــلا *** منتدى قبيلة عتيبة

الحر الأشقر · 14-Jun-2003, 08:34 AM

قالــــو تود وقلـــت ودٍ يهــــــوّل
............................................ما مثـــل ودٍ في ضميــــري ولا ود
لا وقتنا الحاضر ولا الوقت الأوّل
............................................مافيه من وده تجــــــاوز وراء الحد
ياكود انا وأظن ودي مطـــــــوّل
............................................حيثه مواريثٍ عن أباء وعن جـــــد
أحب لي ملحاً قراهــا متـــــــوّل
........................................... من شافها بالعين ما أغضى ولاصد
راع النظـر لازم عليـــها يحــــوّل
.......................................... ملحاً سنادٍ زينت العنــــــــــق والخد
وان ساقهاالراعي يباها تجوّل
........................................ قامت تهـــــوس تقول فيـــــها ولا بد
ماكنها الا من حلال المعــــوّل
.......................................سلطـــــان والا فهــــــد إبـن محمــــد
يـــازينها قــدام ابــوها تشوّل
...................................... إليا إنطلق ثعلـــــه على اللحي وإنهد
وغدى بفنيات صوته يمــــوّل
...................................... يجـــرّ مــــــوّالـــه ويزبــــــــد ويرعد

راعي المغاتير · 14-Jun-2003, 10:38 AM

أحب لي ملحاً قراهــا متـــــــوّل
........................................... من شافها بالعين ما أغضى ولاصد

ياسلااااااااااام << لوانها ملحا بس ماعليه كلها عطايا الله

بيض الله وجهك يالحر الاشقر والقصيده هذي نبيها في موقع ابو وافي

وصح لسان شاعرررررنا الكبير المبدع / مــلــفــي الــمــورقــي

وننتظر منك يالحرررررر الاشقرررررر المزيد والمزيد
وصراااااحه انك اطربتنا بما تقدمه من تحف جماليه للمنتدى

الحر الأشقر · 14-Jun-2003, 10:48 AM

لا هنت ياراع المغاتير لاهنت
.................................... وانا أشهد إنك نادرٍ فالرياجيل

هـــذا أقل شي أقدمه لك وتستاهل أكثر ومشكور
وابو وافي ما يحتاج من عمالقة الشعر في الميدان والديوان