قال إلكم عتيبي

[فارس الوصيص]

هذه الابيات في الحر النداوي يوسف العتيبي بعد مانخانا وجبناه من ورى روس الخشوم وارجو التثبيت لو مره

ياسلام الله على الحر النداوي= من عتيبه فعلها فعلٍ عطيبي
في شاعر المليون رد إلنا النخاوي= ومن نخانا والله انه مايخيبي
إي والله الهيلا مخلفت الهقاوي= من قديم الوقت في اليوم العصيبي
في الموقف الغصاب وعسرات الدعاوي= فعلنا واضح وشمسٍ ماتغيبي
لو نشدت الجدي النجم السماوي=عن هل الطالات قال إلكم عتيبي

فارس الوصيص

[الواقعــــي]

اخوي فـــرس

صح لسانك ولااهنت

وكفو يعاتابه ويستاهل يوسف

عندي ملاحظه اخي فارس واتمنى تتقبلها بصدر رحب

فـي شاعـر المليـون رد إلـنـا النـخـاوي00ومــــن نـخـانــا والله انــــه مايـخـيـبـي
إي والله الـهـيــلا مـخـلـفـت الـهـقــاوي00مـن قديـم الوقـت فـي الـيـوم العصيـبـي
في الموقف الغصاب وعسرات الدعاوي00فعـلـنـا واضــــح وشــمــسٍ ماتـغـيـبـي
لــو نـشـدت الـجـدي النـجـم الـسـمـاوي00عـن هــل الـطـالات قــال إلـكـم عتيـبـي

البيت الأول ؟ صدر البيت (في شاعر المليون ) هل بنظرك هو سليم أم لا ؟
البيت البثاني :صدر البيت كله هل هو سليم بنظرك ؟
البيت الثالث : برضه صدجر البيت خاصه (الجدي النجم ) هل هو سليم ؟

تقبل تحياتي

[فارس الوصيص]

اشكرك ولاكن رد النا النخاوي طلب فزعتنا وين الخطا اما في شاعر المليون مسابقه معروفه وين الخطااا

[الواقعــــي]

اخوي فارس
يبدو انك مافهمت كلامي

الخطا هنا في الوزن يعني القصيده غير موزونه في الابيات اللتي ذكرت لك

تحياتي

[فارس الوصيص]

انت شكلك مطيري وضح الكسر انت لانت شاعر ولا تقيم شعار ويوجد شعار اخرين افضل بامكانهم تقييم القصيده وتاريخ تسجيلك له يومين مع احترامي والقصيده جزله وانا متاكد ان اللجنه بتجيزها لانها من عتيبي

[ابن النفعة]

يالربع هدوا اعصابكم.............

بيض الله وجهك عالقصيدة وهذا يدل عالحمية.........

لكن انا اتفق مع الواقعي ..............

[فارس الوصيص]

اقول ياشباب ياكثر المندسين بينا وياكثر الحاقدين لاكن زخات من رسايلكم تسكت كل مقهور وانشاء الله بيفوز يوسف غصب ولو نشدت الجدي النجم السماوي **** عن هل الطالات قاااال الكم عتيبي
نعم للتصويت وانتبهو من ابو سبعه جديد

[الواقعــــي]

اخوي فارس

الان وش دخل التصويت والقبايل في الموضوع

انا قلت لك عندي ملاحظه على ابياتك

لأنها بالفعل فيها ابيات مكسوره وبعدين انا ماقلت لك اني شار او ماني شاعر بس هذا اللي لاحظته على الأبيات

اما الحسد اللي انت تقوله الله لايجيبه واذا فاز يوسف يستاهل واذا فاز غيره يستاهل

اختلاف الرأي لايفسد للود قضيه

بس انت شكلك طبقت المثل اللي يقول

(عرض الصياح صياح عشان تسلم)
ههههههههههههههههههههههههه

أهم شي الاخلاق

تقبل تحياتي

[فارس الوصيص]

اقول كلمه واحده ولايكثر انت يا الواقعي اذا كنت صادق في نقدك اكتب اسمك لان الواقعي ماهو اسم والرياجيل ماتندس وضحلي انا واخواني الخطا ماتعرف غير العجز والصدر وجهة نظرك ما حد طلبها ويوسف بيفوز غصب والوعد الموقف الغصاب يوم الثلاثاء وتموت الحيايا وسمها في روسها وين الاداره عن هاالناس اللي تنزل المعنويه المندسين وتمكرون والله خير الماكرين ولايوقف التصويت وانتبهو يامنتدنا طلعوهم برا وصوتوووووووووو

[فارس الوصيص]

المشاركة الأصلية كتبت بواسطة فارس الوصيص

اقول كلمه واحده ولايكثر انت يا الواقعي اذا كنت صادق في نقدك اكتب اسمك لان الواقعي ماهو اسم والرياجيل ماتندس وضحلي انا واخواني الخطا ماتعرف غير العجز والصدر وجهة نظرك ما حد طلبها ويوسف بيفوز غصب والوعد الموقف الغصاب يوم الثلاثاء وتموت الحيايا وسمها في روسها وين الاداره عن هاالناس اللي تنزل المعنويه المندسين وتمكرون والله خير الماكرين ولايوقف التصويت وانتبهو يامنتدنا طلعوهم برا وصوتوووووووووو

واحترم كل اراكم على راسي الهيلا