يــالله انـا طــالبك حمــراً هوا بــالي ***

[ص ق ر 511]

السلام عليكم ورحمــــة الله وبركــــــــــاته

اتمني انها تنا اعجابكم وما تكون مكرره


قصة فراج بن ريفه القحطاني

من الأبيات المشهوره البيت الذي كنا نسمعه في مضارب الباديه وهو :

يالله وانا طالبك حمرا هوا بالي ........ ليا روح الجيش طفاح جنايبها


والكثير لايعلمون لمن البيت او ماهي القصيده كامله ،
القصيده للشاعر (فراج ابن ريفه القرقاح)
جد الشاعر المعروف فلاح القرقاح ...

كان عليه دم لواحد من جماعته من قبيلة (عبيده) قحطان.
وجلى عن القبيله وانتظر (ابن شفلوت) يحل القضيه
بصفته شيخ قبايل عبيده لكي يعود لقبيلته في (طريب)
وكان قد جلى عند قبيلة (سبيع) وبعد مرور عشر سنوات
ارسل القصيده هذي اللي خلت الجميع يتحرك لها
وعلى راسهم ابن شفلوت وانتهت الدم الي عليه.. ويقول :





قال بن ريفه بدا في مرقـب عالـي
حل المراقيب تومـي بـه هبايبهـا

ما يدهله كون صافي الرش والوالي
ولا الولع يوم يفنك فـي عجايبهـا

هيضني الرجم وأنا مـن اول سالـي
لهم على القلب ديران شطيـت بهـا

يا مرقب جاك من الأمطـار همالـي
نصوب صيف من المنشي يهل بهـا

لهم علينا شـدوق الثفـن لا سالـي
وعطفة طريب الي زافـت جوانبهـا

لما غدا الفيض كنـه زرع عمالـي
سيله من القـدم للبطنـان ناهبهـا

كم مرة قـد نزلنـا عشبـه المالـي
ببيوتنا اللي وزا المجرم يلـوذ بهـا

نبنـي بيـوت بعـراف وجهـالـي
وأن جاء النذر من حفيف ما نرهبها

بعوال مفلـح وهـم حمايـة التالـي
بمحول صلفات عطيبـات ضرايبهـا

صبيان قومي تحل المنجـم الخالـي
كسابـه المـدح حمايـة ركايبـهـا

ربعي عبيدة وأنا من حربهم جالـي
هل صبحه في الضحى تشعى كسايبها

ونشد عبيدة هل الغالات من حالـي
ونشد لجانيـب يـوم إنـا نقاربهـا

من هو يقلط على فـرش وفنجالـي
سعد بن عمه الي من جاء مكاربهـا

لمـا غـدا بيـن نقـاض وفتالـي
وصفوا لاجانيـب واذوه بطلايبهـا

عديتهم ثم نسفت أبهم على الجالـي
نسف الدلي للمعدي صوب جاذبهـا

عسى هل الشين ما يبقى لهم تالـي
وهل اسلوك الردي يـارب تذهبهـا

ولـي جليـل وللشطـات حمـالـي
أرفع نواصيـه يـا ربـي وقطبهـا

أنا من الخبرة ألي شورهـم عالـي
واما هل البخـل بامـر الله نجنبهـا

يا راكب من على اللي مشيها ارمالي
مأمونـة يرفـع الهـلان غاربـهـا

تزها السفايف وتزها الخرج وحباي
ومجرب لا سري في الليل صالبهـا

حي الطويلة وحي اللـي شراهالـي
من واحد جابها في السوق جالبهـا

شريتها في الدهر يوم ارخص الغالي
بمية وخمسين مـا يمهـل يغايبهـا

حديدهـا واذكـر الله كنـه ريالـي
وكن الحيايا تطـارد فـي مقاضبهـا

بنـة غرهـا زبـاد عنـد دلالــي
ولا طمـوح هواهـا مـن يلاعبهـا

واضرب بها الوعل لمنه تهيـا لـي
أبو حنيـة كبيـر الـراس شايبهـا

لا ثار بارودها الـي العـود متالـي
منهـا الريايـا مقطعـة نشايبـهـا

واطمر بها عند ربعي ومنع التالـي
لا هاب ولد الـردي معـاد يزهبهـا

والي لفانا مـن المقنـاص زعالـي
أحد مدح بندقـه والـي يعـذر بهـا

بشرتهم بالغداء من عقـب مقيالـي
والفايدة من مرد الكـوع ضاربهـا

واسرح بها في السحر مانيب كسالي
وكم سرحة فرقـت منهـا ربايبهـا

يا الله وأنا طالبك عطني هـو بالـي
حمراء من الجيش طفـاح جنايبهـا

لا روح الجيش حادية اشهب اللالـي
ليهي تورد وسيـع صـدر راكبهـا

اللي على كورهـا ولـي بالحبالـي
واحد على عيزهـا والـي بغاربهـا

لروحت مع تخاتيخ الخـلا الخالـي
كأن الذيابة تنهـش مـن جنايبهـا

فاستغفـر الله اللـي فوقنـا عالـي
حطيـت فـي حفـرة رزونصايبهـا






للشاعر فراج بن ريفه الفهري العبيدي القحطاني

[محمد الـعـريدي]

الأخ ص ق ر

كل الشـكر لك على النقل الرائع اللذي ان دل فإنمـا يدل على ذوقك الراقي


لك مني جزيل الشـكر وأجل التقدير
اخـوك:محمد العريدي

دمت بخير

[متعب العصيمي]

.. يعطيك العافيه على نقل القصيده ..
.. ولاهنت دام العطا..
.. موودتي..

[ص ق ر 511]

العـــــــــــــــــريدي لك منــــي جزيل الشكـــــــــــــــر

[ص ق ر 511]

متعب العصــيــمي

اشكـــــــــــــــــــــــرك جـــــــــــــــــزيـــــــــــــل الشكــــــــــــــــــر


ص ق ر 1 1 5

[نفيع العتيبي]

مشكوور على القصه الجميله
وبيض الله وجهك

هاذا رابط صوتي لشاعر ابن ريفه بصوت مهنا العتيبي
بدايه القصيده صوت رجال بعدها بدقيقتين صوت مهنا العتيبي شيله حلوووة
http://up.9q9q.net/up/index.php?f=9b3iLHgcB

[نفيع العتيبي]

وهاذي رابط صوتي للفنان مطلق مخلد الذيابي العتيبي
لشاعر ابن ريفه ((نفس القصيده))
طبعا الاغنيه اكثر من 40سنه بس حلوووووة لحنها
http://up.9q9q.net/up/index.php?f=Z1WhKGmIh

[ابو جرمان]

بيض الله وجهك على الموضــــــوع يا صقـر 511

[الهضيباني]

لا هنت على القصه والقصيد

وتقبل مروري

[طنيان]

بسم الله الرحمن الرحيم

اخواني الكرام اعضاء ومتصفحي منتديات الهيلا السلام عليكم ورحمة الله وبركاته وبعد هذه قصيدة للفارس الشاعر فراج بن ريفة القرقاح العبيدي القحطاني مشهورة بالحمراء قالها عندما زبن الامراء ال رشيد بقصر برزان في مدينة حائل ووجهها الى شيخ قبيلة عبيدة عشق بن شفلوت

قال ابن ريفه بدا في المرقب العالي
= واعلا المراقيب تومي به هبايبها

يامرقبي جاك من الاسبار همالي
= انصوب مزن من المنشا يهل ابها

ما يدهله كود صافي الريش ولوالي
= و لا الولع يوم يفتك في عجايبها

انا ولد طارفه مانيب كسالي
= اخاف من خبرة باحت مزاهبها

عليك يا مرقب جيته و انا سالي
= هيض على القلب ديارنٍ شطيت ابها

هيض عليه شدوق (الثفن) لا سالي
= عطفة (طريب) ليا زافت عجايبها

لامن غدا الفيض كنه زرع عمالي
= سيله من القدم للبطنان ناهبها

كم مرة قد نزلنا عشبه المالي
= بيوتنا لاوزا المجرم يلوذ بها

ننزله ببيوت عراف و جهالي
= و انا جاء النذر من خفيف ما نزهبها

ربعي (عبيدة) اليا جاء هوش و قتالي
= هل هية في الضحى تشعا كسايبها

انشد (عبيده) هل الطولات عن حالي
= و انشد الاجانيب يوم انا نقاربها

منهو يقلط على فرش وفنجالي
= سعد ابن عمه لياجاته مكاربها؟!

لامن غدا بين نقاض و فتال
= و صفت الاجانيب و اذته بطلايبها ؟!

ثم جيتها ثم لفحت بهم على الجالي
= لفح الدلي للمعدي يوم يجذبها

ياركب ميمونة في مشيها ارمالي
= مايشتحن من هل العيرات راكبها

تزهي السفايف و تزهي الخرج و حبالي
= و مجرب لاسرى في الليل صالبها

دنوا ذلولي تراني ضايـق بالـي
= ذلولي اللي مديد العصر يطربهـا

أبا اتنحـر عليهـا واحـد غالـي
= لولاه ما جيت من برزان راكبهـا

ملفاك من يلبسون الجوخ و الشالي
= ربعي و درعي و ضد اللي يحاربها

ملفاك شيخ القبيلة حامي التالي
= عند (ابن شفلوت) يالمنجوب قربها

قل له علي طالت المدة و انا (جالي)
= عشر(سنوات)مضت بحساب مقطبها

فان كان ربعي نسوني مانبي غالي
= باعيش في ديرة قفرا جوانبها !!

في ايدي قرار تكف الجمع لاهالي
= طويلة ناحل مقضب خشايبها


لي بندق ما صنعها الصانع التالي
= من دقة (المارت)نحال مقاضبها

شريتها بالثمن يوم ارخص المالي
= إميه و عشرين ما يمهل بغايبها

الله يرحمك يا عود شراها لي
= من واحد جابها للسوق جالبها

حديدها و اذكر الله كنه ريالي
= كن الحيايا تطوا في مقاضبها

اقف بها بين ربعي و امنع التالي
= لا خف ولد الردي ما احتال يزهبها

عط الطويلة عريب الجد و الخالي
= ولد الردي لا تلخونه يزول بها !!

و اللي رفيع و للشوفات حمالي
= ارفع نواصيه ياربي و قطبها

و انا من الخبرة اللي شورهم عالي
= و اهل سلوك الردى يارب تذهبها

بندقي شبه عذرى وسط جهالي
= تضحك بغر الثنايا الزين معجبها

بنت غراها زباد في ايد دلالي
= و الا طموح هواها من يلاعبها

كم مرة قد ضربنا منجم خالي
= و كم جملة فرقتها من ربايبها

و ليا لفونا من المقناص زعالي
= أحد مدح بندقة و احد يعذربها

بشرتهم بالعشا من عقب مقيالي
= القايدة مع مرد الكوع ضاربها

اضرب بها الوعل لاجاء له تهنفالي
= ابو حنية كبير الراس شايبها

ذبحت عشرة بها و الظل ما مالي
= و الحاديه روحت تثلغ مضاربها

و يالله انا طالبك حمرا هوى بالي
= لا روح الجيش طفاح جنايبها

لا روح الجيش حاديه اشهب اللالي
= لا هي تورد وسيع صدر راكبها

اللي على كورها و اللي بالاحبالي
= و اللي على عيزها و اللي بغاربها

لا روحت مع سباريت الخلا الخالي
= كن الذيابه تنهش من ترايبها!!

تمت و صلوا عدد ما هل همالي
= على نبي شروع الحق رتبها

اغفر ذنوب الفتى يالله يا والي
= لا جيت في حفرة رزوا نصايبها

و انتم سالمين و غانمين و السلام