قصيدة حصرية للشاعر فيصل السواط بعد خروجه من شاعر المليون

[الـــجدراوي]

هذه قصيدة للشاعر الكبير فيصل السواط بعد خروجه من شاعر المليون ..

يا لاهب الجمرة على الغليـون=ماعـاد عينـي تقبـل الدخـان
خل الوجع وسط الحشا مكنـون=واسوق فنجاله مـن الرسـلان
ويميل من نخل الحسا عرجـون=يطعم حلا تمره نظيـف لسـان
يميّز اهل ( التين والزيتـون )=التيـن والزيتـون والـرمـان
ولا الحسودي يعصر الليمـون=على حشاه ويعـزم الشيطـان
والوقت لا صاحي ولا مجنـون=والتجربه تثبت لـك البرهـان
والناس لو يـدرون مايـدرون=والبحر فيه القرش والمرجـان
والله يخلّي (شاعـر المليـون)=ورّاني الاصحـاب والعـدوان
صارت عيوني عن ثمان عيون=واحقّ ما يخفى ورى الجـدران
عن البضاعه قيمـة العربـون=وعن الكتـاب يكفّـي العنـوان
واثر اختلاف الشكل والمضمون=مثل اختلاف الطعم فالريحـان
كم من جبل شامخ طلع كرتـون=وكم من رجل فارغ طلع مليان
وكم من قريب ابعد من الجابون=وكم من بعيد اقرب من الشريان
ما فـرّق الأميـن والمأمـون=مع انهم يااهل العقـول أخـوان
الا لظا الغيره وحـرب الهـون=وراسٍ رماه الزود فالنقصـان
عزاي وقفة سيفـي المسنـون=اهل الحميّـا ربعـي العتبـان
واليا بـدا فالماقـف الدنـدون=وش حاجتي في طقّة الورعـان
شاعر ولي بين السحاب لحـون=يسجع بها القمري وهو طربان
مااقول مثل الشيخ ابن لعبـون=ولاْ احسن امن الرمز ابن جدلان
لكنّ كـلٍ فـي جمـاه سنـون=وكلٍ على بحر الفكـر ربّـان
ماضرّ ابن حمديس ابن زيدون=ولاْ الغى ولد سينا ولـد حيّـان
يكفي شهاده من صليب الشـون=مستور ابن تركي رفيع الشـان
لحيه تفرّق بيـن لـون ولـون=ماهيب لحية صاحبـي غسّـان
والحمـد لله رب هـذا الكـون=والشاهـد الله مانـي بخسـران
اطلقت من سجن الشقا مسجـون=وزرعت بقلوب العرب بستـان
وفرشت فالقمرا سُفر وصحون=على شرف حلم وطموحٍ كـان
مارحت ادوّر كيس ابن طحنون=ولاّ علاقـه مـعْ بـنْ نهيّـان
والآدمـي دون الكرامـه دونم=ايرفعـه حاكـم ولا سلطـان
وش قيمة الإنسان يـوم يهـون=ووش قيمة الشاعر بدون انسان
هاذي حكاية شاعـر المليـون=من جمـرة الغليـون للدخـان

جديد وحصري وليش منقول.....