حيل الله أقوى

[ضيف الله المسعودي]

لــ مشعان البرّاق





حيل الله اقـوى مابقـى فـي يـدي شـيّ
مافيـه حــل ٍ فــي يــدي .. ماذخـرتـه
حاولت .. لكـن المحاصيـل هـيّ هـيّ
الطـيـر طــار ولا بـقـى الا شجـرتـه
وقفّت اشوف شـويّ واغمّـض شـويّ
واللي انكسـر فـي خاطـري ماجبرتـه
لين الحقت شمسـي علـى بـارد الفـيّ
وشفت ان كـل اللـي جمعتـه خسرتـه
مـن كثـر ماعزيـت ريقـي عـن المـيّ
ملّ الصبـر مـن كثـر صبـر ٍ صبرتـه
كم هقـوة ٍ ضاعـت علـى سكـة الغـيّ
وكم حلم ف( تراب ) الحقيقـه قبرتـه
واقـف .. وطعنـات الزمـن كلهـا فـيّ
وساقـي لـو انـه كـلّ منـي / كسـرتـه
بعد ماعاش اليأس في احساسي الحيّ
اخـوي .. لـو هـو صـد عنـي عذرتـه
مدري عن اللي كنت احسبه بقـى لـيّ
اللـي حزمـت ابـه الضلـوع وذكرتـه
اللي طوى حالـي بحكـم الهـوى طـيّ
قصّر .. وانا كـل الطريـق اختصرتـه
ماهو خطاء لاقلت ( تأمر على شيّ )
الا الخطاء .. لا اشتقت له وانتظرتـه