قصيدة الوضح والمجاهيم

[حمود الرياحى]

بسم الله الرحمن الرحيم

خواني واخواتي اسعد الله لياليكم وايامكم
اضع بين يديكم هذه القصيده في وصف الابل الوضح والمجاهيم لحيث
ان الابل لها مكانه عليه عندي اتمنا ان تحوز على رضا الجميع
مع تحيات:حمودجهز الرياحي

انايوم اقـول الشعروابـدا بنظـم القـاف=واشغـل دماغـي والخـلايـا مشغلـهـا
تبرمج معان الشعـر مثـل آلـة الصـراف=ظمـيـري يهندبهاوفـكـري يـــحللها
وانا مابغى احط الربع في خانة الانصـاف=اراجـع حساباتـي وبعـديـن اسجلـهـا
اخاف انـي اغلـط واتنقـد مـع العـراف=زحـول الرجـال اللـي تنومـس فعايلهـا
مابا اصير مثل البندق الي علـى ميهـاف=يصيـر الخطرمنهـا علـى وجـه ناقلهـا
تحـزم بهـا يبغـى يصوبهـا الاهــداف=لـكـن مـاوفـت بــالازم الله يفشلـهـا
تحسف بعد جرب ومـن تجربتهـا عـاف=ركنهـا ومـن قسـم التصاريـح كنسلهـا
يقولـون دور غيرهـا والسـلاح اصنـاف=لكنـه حلـف لـه ديـن ماعـاد يحملهـا
ضربنا مثل واللي سبـر يعـرف الحـواف=وكـلا علـى جسمـه ثيـابـه يفصلـهـا
ثقال الحمـول متعبـه والخفـاف اخفـاف=تـجـي جنبـهـا لكنـهـا ماتعـادلـهـا
وسنين الرخا يقبل بعدها سنيـن اعجـاف=تـراهـا كـذاالايـام ربــك يـداولـهـا
احديشرب الما هيت واحداعلـى المغـراف=واحـد مايحصـل لقمـة العيـش ياكلهـا
زمانا على بعض البشر فيـه زود اجحـاف=مـن الجـوع والحـاجـه يبيسابلايلـهـا
وانا ماعرف الساعي والا ادري عن الطواف=على الله حسـاب النـاس مانـي بسايلهـا
يقولون جو المـدن يفـرق عـن الاريـاف=حضاره وبعض الناس فـي حبهـا ولهـا
واناقلبي اقشر في هـوى الباديـه ميـلاف=ونفسي عصـت ماطاوعـت قـول عاذلهـا
لياجيت بالدربيـل فـي عالـي المشـراف=وشفـت الديـار اللـي تشـوق منازلهـا
لياشافهاقلـب المولـع يجـيـه اشـعـاف=الاواهنـي اللـي نـزل فــي خمايلـهـا
بعدشـب نـاره بالحطـب مايبـي كشـاف=بخضـر الفيـاض اللـي جـدادا مسايلهـا
طويل الـذراع الطيـب العاقـل المضيـاف=لحـالـه لكـنـه للقبـيـلـه يمثـلـهـا
تحراء لوضحا شوفهـا يعجـب الشـواف=ليـا جـت مـن المفلـى تلافـح شمايلهـا
ثمانيـن وضحابالعددكنـهـا الاصــداف=سـوات المـزون البيـض يـوم اتخيلهـا
تخيروجـاب ام الحويـر علـى الاطـراف=هديـه لكنـه مايبـي الحشـو تزعلـهـا
مهيب النحوس اللـي يديرونهـا بكتـاف=حمـت بالدريـر وخالفـت قبـل يبهلـهـا
اليا جيـت اوصفهـا تحيـرت بالاوصـاف=تشابـه بعضهامـع بـعـض ماتعزلـهـا
تواصيفهـا ماتنحصرفـي 100مـحـراف=تشيـب القوافـي ماتـوفـي خصايلـهـا
ويبرالهـا 60ســودا لـهـا تنـضـاف=مجاهيـم كـن الليـل الاسـود بداخلـهـا
سماح الوجيه اليا اقبلت لك وسود اغـداف=جثالنامثانيهـاشـنـاحـا باسـافـلـهـا
طوال الرقاب الجـارده والخـدود سهـاف=حـداد الاذانــي والله الـلـي مجملـهـا
ليا حاشها حـض الفتـى ماعليـه اخـلاف=الاواهنـي الـلـي نصيـبـه يحصلـهـا
عليهـا فـوادي كـل ماشافـهـا يــلاف=كمـا لـوف نـان زايـد الريـح يشعلهـا
طلبنا الله اللي رحمته بيـن نـون وكـاف=بسـود المـزون اللـي ثقالنـا مخايلـهـا
مابين الطمع والخوف والي يشوفـه خـاف=رعـوده تزاهـم والمخالـيـق يذهلـهـا
يخيل مـن القبلـه عصـر بارقـه رفـاف=جميـع الديـار اللـي وطاهـا يسيلـهـا
لعله عـل مربـى العشايـر يجـي هتـاف=علـى شـان تلقـى شفهـا فـي مداهلهـا