((( هاذي أخرتها الله يستر )))

[( فتى الجرد )]

بسم الله الرحمن الرحيم

السلام عليكم ورحمة الله وبركاته

إخواني القراء هذي سالفه عائله من نسج الخيال أرجو ان تؤدي الغرض منها على أكمل وجه .

ابو مشاري جالس أما شاشة الكمبيوتر يتابع سوق الأسهم وطبعا ( بكت الدخان ) قدامه.

أم مشاري : أبومشاري. ابو مشاري : نعم ام مشاري : تعال شف ولدك مشاري.

ابو مشاري يكلم نفسه : ياحول يامن شراله من حلاله عله وش ذا القلق مايكفي أن الدخان

خلص والشاشه حمرا تجي ذي هي ولدها ويكملون الناقص طيب جاي جاي.

أم مشاري : بابن الحلال تعال. ابو مشاري : هاااااااااااه نعم وش فيه وش تبين اقلقتينا انتي

وورعك . ام مشاري : تعال شفه نثر قدورنا وقلب صحونا وكسر فناجيلنا عندكيه .

تعال ياللي ماتستحي على وجهك مايكفي أن ( الدخان خلص ) وجايب النتيجه كلها ضعيف

والأسهم طايحه طااااااااااخ طريييييييخ طوووووووووخ بالبقوس والكفوف. مشاري :اااااااا

ااااا أي يابوي والله ماعودها اااااا ااااااا .

ابو مشاري : لا هذاك اولا .

ابو مشاري : طعععععععع بعلبة الدخان على راس ولده يله رح جبلي دخان سرررررعه.

مشاري : طب يابويه ااااااا ااااااااا سم يايبه.

ابو مشاري : بعدي ولدي الشاطر .

ابو مشاري فك علبة الدخان سحب سيجاره بداء يكنها ويشرب معها بيالة الشاهي المنعنش

وقدام الشاشه الألكترونيه يتابع اتجاه المؤشر بداء المؤشر يتخذ الإتجاه المعاكس وبدئت

الشاشه تخضر تهلل وجه ابو مشاري بداء بالضحك.

ابو مشاري : ام مشاري . أم مشاري : نعم ماني فاضيه عندي غسيل ابي اخلصه وثم

ابسوي عشاك انت وورعك.

أبو مشاري : تعالي والله ماتسوين شي نودي لملابس للمغسله وعشاكم الليله عندي انتي

وورعك في اطلق مطعم رز بخاري.

ابو مشاري : مشاري . مشاري : نعم يبه . ابومشاري : نعامه ترفسك . ينكت الأخ.

مشاري : ههههههههه. ابو مشاري : مشاري قل اربعه . مشاري : اربعه .

ابو مشاري : سيارة أبوك مقربعه. مشاري : هههههه كركركركر ههههههه.

ابو مشاري : مشاري قل مكينه . مشاري : مكينه . ابومشاري : امك حلوه ومتينه.

مشاري : كركركركركركر ههههههههه كاكاكاكاكاكاكاكاكا كركركركركركركر هههههههه.

ام مشاري : احسن منك يالعص الناشف .

المهم انتهت ذيك الليله على احسن حال بالنسبة لأبو مشاري وأمه أما بالنسبه لمشاري بداء

سترجع الأحداث وهو على فراشه نشوف مشاري وش عنده.

مشاري : والله ماشأالله عل ابوي طيب وحبوب بس ياشينه وهو معصب وأكيد اللي خلاه يعصب

يوم خلص ( الدخان ) قام من فوق الكرسي وضربني وبغى يكسر الدنيا بس بعد ماجبت (الدخان)

له صار شي ثاني اكيد ذا الدخان فيه شي يخلي الورعان ريجيل زي ابوي لازم اجربه بكره في

المدرسه مع ( ابو عروج ).

مشاري في المدرسه : ( أبو عروج ) ابي اشرب الدخان علمني كيف.

أبو عروج : بس أبشر والله هي خذ ذي السيجاره ولاعها منا هيا اشفط كنها داخل صدرك.

مشار : كح كح كح كح حم كح حم كح ح ح ح . ابو عروج : ايه زي كذا الرجيل.

بعد ايام تعلم مشاري شرب الدخان وبدا يفكر كيف يوفره لأن ( ابو عروج ) مايعطيه كل شوي

وتعلم سرقة السجاير من جيب ابوه وبعدين الفلوس وهلم جر .

:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
بعد سنين مات الأبو من مرض السرطان الذي أصابه بسبب التدخين كبر مشاري وصارت

السيجاره لا تفعل افاعيلها زي ماتعلمها اول مره راح لابو عروج يشتكيله طبعا ابو عروج

ضرب صدره مرة اخرى وقال عندي وانا ابو هندي فدله إلى ماهو اعظم ( المخدرات ) ولكم ان

تتخيلو مدى الضرر الذي تلحقه لمستخدمها إجتماعيا وإقتصاديا وأخلاقيا جميع مايسمو بالمرء

تذهب به أعاذنا الله وأياكم ومن نحب وإخواننا المسلمين من شرها .
:
:
:
:
:
:
:
:
:
:
:
:
:
:
:
:
:
:
:
:
:
:
على اثر ذلك تورط مشاري بجريمة ترويج المخدرات والأدمان عليها وأدخلت الأم إلى احد دور

العجزه مكلومة في زوجها وولدها اللذين راحا ضحية سيجاره فلنتقي الله في انفسنا ومن يهمنا

امره .

ودمتم أخوكم ( فتى الجرد ) العذر والسموحه على الإطاله

[ذيب السبايا]

لاهنت يالغالي
تصدق اني صدقت القصة
ههههههههههه

[( فتى الجرد )]

بس كيف اعجبك صح
ولاتهون ياذب السبايا