قصيدة سلطان الهاجري في مجلس الامة الكويتي

[ابو ضيف الله]

في عنفـوان البلبلـه والأقاويـل = وزخمٍ من الإعلام فـي زعيتمانـه
هذي قناه الشجب والحط والشيـل = وهـذي قنـاة الملعنـه والخيانـه
وهذي قناة الرقص ( ياعين ياليل ) = وعبـدالله ابالخيـر والبردقـانـه
والقدس تقصفها مدافـع إسرائيـل = والغرب يعزف عزف كيد ولعانـه
والشي والله في الليـال المقابيـل = أصبر علي شـوي وأقـول عانـه
عان الليال الحيل لقحن وهن حيـل = ولقاحهن غزو الأصـل والديانـه
غزوٍ يسمـى ديمقراطـي وتبديـل = وطمس العوايد والشيـم والأمانـه
وش قلت ياسداح في كذبة إبريـل = هي في صميم الـذات والاّ وزانـه
والهيل ياسـداح عطـر الفناجيـل = والجِـد ملـح العجرفـه والميانـه
والخيل وين سروجها ياهل الخيـل = راحت فرس عنتر تسابق حصانـه
والمعركه بين النسـاء والرياجيـل = مـدري يفـوز فـلان والاّ فلانـه
وأن قام حظ أم الرموش المظاليـل = وقامـت تثنّـى كنّهـا الخيزرانـه
ماعاد ياسـداح حيلـه ولا حيـل = أطلق شنـب قلّـه يجـوّد مكانـه
والقبّـه اللـي للنشامـا مداهيـل = ميدان سيف الله .. وعنتر زمانـه
الله ثعا فيهم .. على مثـل ماقيـل = بعنصـر نسائـيٍ قـويٍ كيـانـه
خطوات عوباً صوتها يصهل صهيل = تشرشح النايب .. وتكرب بطانه !!

سلطان ابن وسام الهاجري

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[الحد الرهيف]

ابوضيف الله قصيده رائعه من شاعر معروف وكلامه صحيح وفي محله

لاهنت يالغالي لاتبخل علينا بقصايد ابومحمد لاهنت لاهنت

[الأمــير]

ابو ظيف الله


لاهنت على النقل

[برقاوي2006]

صح اللسان سلطان الهاجري وبيض الله وجهكـ على النقل

بس يابو ضيف الله الهاجري هذا عضو في مجلس الامه

[ابو ضيف الله]

الحد الرهيف وذيب الحنابج والبرقاوي 2006 اشكركم على المشاركه والتعليق

ويسرنا ان القصيدة اعجبتكم

المشاركة الأصلية كتبت بواسطة برقاوي2006

بس يابو ضيف الله الهاجري هذا عضو في مجلس الامه

البرقاوي 2006 ما لك لوى سلطان الهاجري من شعراء الشرقية سعودي اب عن جد


وهذي صورته