قصيدة للشاعر مطلق الثبيتي رحمة الله

[عتيبي معاصر]

اختـار سمحـات الـدروب النظيفـة= اللي غسلها رايـح المـزن برشـاش
يمشونهـا قـوم النفـوس الشريفـة=اللي ضمايرهـم نقيـة كمـا الشـاش
ابيوتهـم مثـل الحصـون المنيـفـة=ما هي لطير البوم غيران واعشـاش
وإحلالهـم للضيـف دايـم مريـفـه =لو رجلهم يسرح ويضوي على مـاش
والرجـل منهـم مـا يخلـي رديفـه =إن ما ت مثله مات وان عاش له عاش
وان مات منهم رجـل عقـب خليفـه= يطعن نحور القـوم ويـرد الادبـاش
يعرف هدف روحـه ويعـرف وليفـه =ما يعرف الخونـة ولا هـو بغشـاش
وليـا رزقـه الله بعـذراء عفيـفـة=ايحطها مـا بيـن نونـه والارمـاش
ماهو علـى الخفـرات يستـل سيفـه= وان طالعوا فيـه الرجاجيـل ينحـاش
حلـو النبـا سمـح المحيـا لضيفـه =ويصير لـه خـادم مسخـر وفـراش
وان مـد مـا مـدت يمينـه قصيفـة=مدت يمينـه تبهـر الخبـل والـلاش
واليا هـرج تلقـى علومـه طريفـة=ما هـو لهفـوات المناعيـر منقـاش
وان شبت النيـران مـا هـو بليفـة=في ساعة الكربـة سـواي ورشـاش
سده بعيـد ولا أحـد يعـرف غريفـه =ولا هو لعرض المكرم العرض نهـاش
والشوك في جنبـه سـوات القطيفـة=إن كان ما له بيت مامـون وافـراش
ما يرتكـي فـوق الخبـول الضعيفـة=اللـي ليـا حركتهـا قدرهـا طـاش
وان جـا نهـار كـل قـرم يعيـفـه =ما هو ليا ثارت على القـوم رمـاش
الكذب يعـرف بيـن الأجـواد زيفـه=والصدق مثل السيف صاطي وحشـاش
وصحيفته يـا طيبهـا مـن صحيفـة=ولهـا مـن العقـال كاتـب ونقـاش
حـاز المراجـل والمراجـل كليـفـةا=لا على اللي كل مـا رامهـا هـاش
وان شاف له من جانب القـوم خيفـة=تلقـاه للخيفـة مهـاجـم وبـطـاش
الصـدق والمعـرف والطيـب كيفـه=ويغبش لها مع طلعة الفجـر مغبـاش
للحمـل مـا تلقـى جنوبـه صخيفـة=حوله بروق تعمـي العيـن وافـلاش
يصبر على جرحـه ويمسـح نزيفـه=طبه بشبه خير مـن طـب الاحبـاش
ولا هو كمـا سبـع سنونـه ضعيفـة=دايـم يلحسهـا وللعظـام عــراش
دنيـاه لـن صـارت ذلـول عسيفـة=طوع علهـا كـل عاصـي ونفـاش
وان كان قفـت مـا عليهـا حسيفـة=ولا هو ورا هوج المعاصيـر قشـاش
وان جاع ما وقع كمـا طيـر جيفـة=وان عري ما يلبس سماليل وأخيـاش

[مؤمن]

رحم الله الشاعر الكبير مطلق الثبيتي

اخوي عتيبي معاصر


لاهنت والله يعطيك العافية

[ابـن نـعـيـس]

رحم الله الشاعر الكبير مطلق الثبيتي

اخوي عتيبي معاصر


لاهنت والله يعطيك العافية



تحيااااااااااااااااااااااااااااااااتي

التوقيع

[عتيبي معاصر]

اخوي اثلث
...

اسعدني توجدك
...

اشكرك على مرورك

[عتيبي معاصر]

اخوي ابن نعيس

...

اشكرك على تواجدك

...

معي

..

ويعطيك الف عافيه