خل الغنا في عالي الرجم يا طير

[mohmmedot]

خل الغنى في عالي الرجم ياطير=مثلك طليـق جناح يقضي شهاته
ما انت بمثل من زاده الوقت تعزير=والهـم والوسواس يقطع صلاته
امشي وكل الكون عندي مخاسير=والعمـر كل العمر ضيق وشماته
من واحدن بالجوف دق المسامير=نظرة عيـونه تقتضي عن شفاته
مر يتمشى ناعم العــود ويذير=ومن طالـع بعينه دنت له وفاته
العين يا حـرن صعـد فالمواكير=وكن الهـدب ليلن غشاها سباته
والصـدر زامـي فيه للحب تعبير=راع الهـوى تدفن بصدره رفاته
والله ثـم والله لـو شافهـا الزير=(سالم) ليشهـد في مكانه مماته
الطـول فـارع كنها الـريم وتذير =مثـله بوصفه تشترك في صفاته
ومجدلن يلعـب على الورك ويثير=فيه العيون بطول ونعم اخصلاته
وللوسط من خاتم سليمان تصـوير=الله عطـاه وكمــله في حلاته
وبالسوق تعطـا له مـوده وتقدير=وكل البنـي ما عاد يسون عباته
تتبع خطـاه عيـون كل المـلا سير=ومن وين ما وجه مشت في قفاته
حتى أظـن السـوق قفـل ولا غير=يمشـي بسوق (حجاب) مثله بذاته
وكلن وقف له حيل من غيـر تفكير=حتى الكـلام احتار بأقصى لهاته
ما كنت أضن لإنسان بإنسان تأثير=ويهديه شر العين قـبل احسناته

[سهم العضيان]

صح السانك
وتقبل التحيه

[مطلق العصيمي]

صح لسانك وبيض الله وجهك على هالقصيده

[مشعل بن حويد]

الله الله يامحمد

صح لسانك

واعتلا شانك

تحيتي وتقديري

أخوك /

[مرزوق حمدان العتيبي]

وبالسوق تعطا له مـوده وتقديـر
وكل البني ما عاد يسـون عباتـه

..

مبدع للغايه يامحمد
صح لسانك .. ولاهنت.
..
.

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[mohmmedot]

للجميع شكري وخالص مودتي

[النايع]

صح لسانك

تقبل تحاياي