وش قصه قصيده الأمير تركي بن حميد

[شاعر متواضع]

السلام عليكم ورحمه الله وبركاته
ذي قصيده الأمير الشاعر تركي بن حميد عندما ارسل عليه الأمير طلال بن رشيد والامام فيصل بن تركي
يردون عليه البرا وأتته في يومين متعاقبين
يقول الأمير تركي بن حميد :
يا سابقي صكت عليك القبايل --------------------------------------- الحضر والبدوان راحوا نحيه
قوم من العارض ليا سوق حايل --------------------------------------- لا قرب جد و لا بهم مرحميه
قامت تروجن بينهم بالشلايل --------------------------------------- تعانوا عقب النقا بالحميه
بالعون جتنا من أعز الحمايل --------------------------------------- حكام نجد القطع الصيرميه
ولو انها من نازحين الحمايل --------------------------------------- ما سلت لو شره تلاحق ضويه
نرد الخطر و العمر لابد زايل --------------------------------------- عقب الخطر نشرب ركايا عذيه
وان كان مانرخي رقاب الأصايل -------------------------------------- و الا منازلنا غدت جاهليه
بصنع الفرنج مطوعه كل عايل -------------------------------------- فود لنا ماقط جتنا حذيه
و مصقلات تودع الراس مايل -------------------------------------- من صنع مفراص وساع هويه
ان كان ماترث يدينا فعايل -------------------------------------- يحرم علينا شربه الشاذليه
الحر لا صكت عليه الحبايل -------------------------------------- يشهر وتاتي له من الله فضيه
عاداتنا نروي حدود السلايل -------------------------------------- بأيماننا في محتضر كل هيه
حريبنا يسهر و نومه ملايل -------------------------------------- و ليا نسى يوم نجدد كويه
كذا لقيتها في صفحه مقطوعه لمجله مدري وش هي قديمه اسم الصفحه عيون الأصايل باعداد : سليمان الحريفي
أرجو من الشباب ادراج القصه بكاملها

[منصور بن فهيد]

الغالي : شاعر متواضع

ياهلا بك عزيزي

كل مايتعلق بقصائد وقصص الشيخ الفارس : تركي بن حميد

ستجده على هذا الرابط .....

http://www.otaibah.net/m/showthread.php?t=4272

وياهلا بك

تحياتي وتقديري

التوقيع

man.9.our@hotmail.com

[فواز الشيباني]

بيض الله وجهك يالنويري


اشكرك اخي شاعر متواظع

[شاعر متواضع]

الغالي : النويري
تبقى ياعزيزي
أما عن الرابط لم أجد به قصه هذه القصيده بل وجدت بيتين منها ولم يتم الرد على من أوردها
تسلم ومشكور على المرور والرد
تحياتي وتقدير
فواز الشيباني :
تسلم على المرور والرد

[منصور بن فهيد]

اخوي شاعر
راح ابحث عنها وانشالله اني ابحصلها
وليتك توردلي اسم المجله لاني مثلك اتذكر اني قريتها حتى نكسب الوقت
وانشالله الاخوان يساعدوني بالمهمه هذي
تحياتي وتقديري

[ابـن نـعـيـس]

بيض الله وجيهكم

ولاهنتو


تحياااااااااااااااااااااااااااااااااااااااتي

التوقيع

[الوليد العتيبي]

بيض الله وجهك يالنويري


اشكرك اخي شاعر متواظع

تحياتي

[شاعر متواضع]

العذر والسموحه يالربع على التأخير
الأخ النويري :
الله مير يسلمك
المجله ليست موجوده عندي انما وجدت الصفحه المتخصصه فالقصص والشعر مع أحد الاخوان
تحياتي وعظيم امتناني وتقديري لك
ابن نعيس :
يالله حيه شرفت يا عزيزي
ولا أنت
تحياتي وتقديري لك
الوليد العتيبي :
يالله حيه
مشرف الجميع يا عزيزي باطلالتك الجميله
العفو يا أخي العزيزي
تحياتي وتقديري لك
أكرر شديد اعتذاري وأرجو انكم تقبلونه والله انشغلت فالأيام اللي زلت
نشوووووووووووفكم على خير
أخوكم : شاعر متواضع

[جابر]

نبي قصيدة ذعار بن مشاري بن ربعان اللي يقول فيها:
لا ضاق صدري من هموم توالاه وزاد نعاس وقام صدري يفوحي


مع تحيات؟ ابو عبدالله المغيبي