من عيون الشعر

[ابن رايس]

هذه قصيدة قالها الشاعر حزام بن سعود العصيمي وهو يدرس بكلية المعلمين في الاحساء قالها حينما سأله احد الأساتذه المصرين وقال دا انت بتصير مدرس دين وانت عتيبي ماخذ فكرة سيئة عن العتبان يعتقد ان العتبان ليسوا بأهل دين فكتب الشاعر حزام العصيمي هذه القصيدة مسندها الى بدر المقاطي من اهل الكويت


سر ياقلم واكتب من الشعر ماكود * * مثايلٍ ما صخروها اللواعيب
هاجوسها يبطي عن البال ويعود * * وليا حضر جدد عليه الهناديب
وصارن على قلبي صوادير وورود * تارد مثل ميراد حرش العراقيب
مرن على قلبي تجي مسك وورود ** ومرن على قلبي تشب اللواهيب
اسبابها دنياً غدا نقصها زود ** تغيرت فيها جميع الاساليب
الجمر رمد وانطفت شعلة العود ** ومن جورها ثار الرصاص المكاذيب
ولاعاد يحكمها مواثيق وعهود ** وقتٍ يقلب نية الناس تقليب
والناس تال الوقت حاسد ومحسود* تقطعت فيه العرا والمقاضيب
فيه الردي يفرش له الزل ممدود** والحر في وجهه تسد المطاليب
ويزمر علينا كل رخمه ونمرود** وده يسوي للنشاما عواقيب
مايدري انا عزوةً تنطح الكود ** سقم الحريب مكملين المواجيب
لاصار فالميدان ملحٍ وبارود ** نقلط على جمع الرجال المعاطيب
اليا تداحمنا على شمخ القود** ولحقو هل البل من زعلهم مغاضيب
نثني بشلفٍ تودع الخصم ملهود* ومهنداتٍ من دماهم مخاضيب
فالمعركه حنا سلاطين وفهود** وايضا لفنجال المعادي شواريب
يوم الليالي بيضها كلها سود** حنا عسفناها وجتنا مواديب
هبت فعايلنا كما هبت النود** في ضف ابن هندي عطيب المضاريب
ثم استوت للي بذل كل مجهود** اللي جذبها من بعيد المجاذيب
اللي جذبها وودع الحبل ممدود** وساد الامان وغرب الشر تغريب
وهذا بفضل اللي له الامر مردود** اللي تحت حكمه تدور الدواليب
لاشك انا قلبي من الهم ملهود ** ويكويه من بين الضماير مشاهيب
باسباب كلمه قالها كل مقرود** متمردٍ ماحسب الهرج تحسيب
لو انها بالفعل ماني مضهود** لاشك قافيها دعاوي وتعقيب
يابدر يامشكاي يامنقع الجود** ياسعد من صكت عليه المغاليب
انا انتظر منك على الخط مردود**متى لبن عمك تدز المناديب
حيث انت في كل المواقيب بالود** ياذخر قومٍ تكسب الطيب بالطيب
وافطن ترى سيف الزمن صار مجرود* وتناهبتنا فالزمان النواهيب
دار الفلك ثم سادنا كل مسيود** وحنا منول للنشاما معازيب
واللي يبا يارد على عد مارود** يصبر ليا خربت علي المشاريب