قصة رجل وله ثلاث عيال ماتت امهم وهم صغار وعيا الاب يتزوج ثانيه خائف على عياله من المره الثانيه تعذبهم وتشقيهم و المهم الرجال رباهم وتعب عليهم وكان يطلع من الصبح ولا يرجع الى بالليل ونوبات يتاخر كل هذا على شأن يوفر لهم الاكل وكان كل ماطلع خلاهم عند جاره يلعبون مع عياله واذا جاء من المقناص سوالهم
العشا وعشاهم وكان ما يتعشى الا اذا شبعوا عياله وياكل من بقايا اكلهم ودار الزمن وكبروا العيال وزوجهم ابوهم وشاب الاب ولا عاد يقدر على القومه والطلعه الا بالمساعده المهم قامن حريم عياله يتشكن منه لا زواجهن الين اجتمعوا العيال وكل يقول للثاني خله عندك حتى اجتمعوا على راي واحد انهم يطردونه,, الاب مالقى غير جاره وعياله الاولين الطيبين,,رعوه وكرموه وطيبوا مكانه كأنهم عياله وقال الاب القصيده المذكوره ودعوته المشهوره فيها ,, المهم عياله ماتوا كلهم ولا واحد منهم خلف له ولد وانقطع ذكرهم ونسلهم ناكرين الجميل
والمعروف وعاقين الوالدين .
وهذه القصيده:-
قال الذي يقرا بليا مكاتيب = ياللي تقرون العمى من عناكم
يا عيالي اللي تشرفون المراقيب = تريضوا لي واقصروا من خطاكم
خذو كلام الصدق مابه تكاذيب = مثل السند مضموم للي وراكم
يا عيال لا صرتوا ضيوف ومعازيب = ترى الكلام الزين ملحة قراكم
وتروا السبابة من كبار العذاريب = وهرج البلايس ما يطول لحاكم
المذهب الطيب فهو مذهب الطيب = والمذهب الخايب يبور نساكم
يا عيال ما سرحتكم باللواهيب = يا عيال ما عمر المعزب ولاكم
ياما توليت القبايل تقل ذيب = من خوف لا ينقص عليكم عشاكم
وياما شريت السمن من عرض ما جيب = يفزقلبي يوم يبكي حداكم
وياما قطعت من الفيافي العباعيب = ندور من صيد البراري غذاكم
يا عيال دوكم لحيتي كلها شيب = هذا زمان قعودنا في ذراكم
قمت اتوكا عوج المصاليب = قصرت خطانا يوم طالت خطاكم
عطوني القرضه عليكم مطاليب = عطوني القرضة جزى من جزاكم
لابد يوم عاوي دوني الذيب = بالقبر ما افرق طيبكم من رداكم
ماني بفاضحكم بوسط الاجانيب = با عمالكم يدرون كل اقرباكم
لو كان تدرون الردي والمعاييب = صرتوا مع المخلوق مثل خوياكم
خوالكم بالطيب تروي المغاليب = ولو تتبعون الجد محد شناكم
وش علمكم يا تاركين المواجيب = حسبي عليكم هالردى وين جاكم
يالله عسى اعماركم شمسها تغيب = يعتم قمركم ثم تظلم سماكم
يا علكم في حاميات اللواهيب = ياللي على الوالد خبيث لغاكم
شفت الجفا والحيف والغلب والريب = بضلوعكم لا بيض الله قراكم
اطلب عسى نساكم ما تحمل ولا تجيب = ولا احد من الوغدان يمشي وراكم
اخسوا خسيتوا يا كبار اللغابيب = اهبوا هبيتوا يقطع الله نماكم
تحياتي...
(وبالوالدين احسانا)
« آخـــر الـــمـــشـــاركــــات »
05-Apr-2006, 09:35 AM
ياعيال,, ماسرحتكم باللواهيب...(قصة وقصيدة)..
العرض العادي
