الزلامي والسناني!!!!!!!!!!!!!!!!

[سيف العدل]

محاوره بين الشاعرين رشيد الزلامي ومحمد السناني





الزلامي

مرحباترحيبة إسلام في حفل الكرام
من هجوسٍ في المواقف ماتطفي نارها

وأنت ياللي تجمع الناس في قصر السلام
إجمع الشعار عندي وأجيب أخبارها




السناني

البقى باللي سلامه على حسب النظام
والعرب ماتقبل شعار غير شعارها

يالزلامي وجهت الناس للبيت الحرام
وأنت وش عندك من صغارها وإكبارها



الزلامي

لاتدخل شهر شعبان في شهر الصيام
مايغر الناس غير إختلاف أنظارها

يابدو ياللي على السيف تبنون الخيام
فتش الخيمه ترى الذيب في تيزارها




السناني

أنت شيخٍ معتبر كلمتك فيها كلام
العرب في كلمتك لاتسم أفكارها

لايهمك عين ابو زيد ماجاها المنام
عزوةٍ عند اللوازم تسوم اعمارها



الزلامي

سقت وحده بالعصى قد الأخرى بالخطام
لين طاحت فوق صم الصفى بأزوارها

لويشين الوقت ماطالت أرقاب النعام
يالله إستر حال بنت الحلال وجارها



السناني

الحلال نحلله والحرام اسمه حرام
وأنت حضك ساقلك دربها وإختارها

يالزلامي رجع الذاكره عشرين عام
مايخرب سمعة الناس غير أشرارها




الزلامي

المصيبه يكثر الطق ويفك اللحام
من يعرف وجيه الأسلام من كفارها

إنشد أم الخرص وام البناجر والزمام
هي سبب في سمعة الناس يلعن عارها




السناني

الدالائل بينه والرضى مسك الختام
كل لحيه يالزلامي على مقدارها

أنت معطيها سلام وتحيه وإحترام
مير أنا بنصحك وانت إحتفظ بأسرارها




الزلامي

استعن بالله والوضع من يمي تمام
ماتبي تغرق سفينه وأنا بحارها

بس أنا والله من اليوم في خشمي عرام
ودي أعرف من جهينه وويش أسرارها




السناني

المصيبه جات تحت اللحم فوق العظام
زرعتك يابن الزلامي جنيت اثمارها

العرام يطيح والعود جعله للرحام
كملك يوم إنتحر عجها وإغبارها




الزلامي

مالنا عند أهل ينبع خوال ولاعمام
كان عندك مشكله صرها بصرارها








وسلااااااامتكم اخوكم سيف العدل

[فواز الشيباني]

اخي سيف العدل
يعطيك العافيه

وماقصر ياغالي
لاخلا ولاعدم

[مرزوق حمدان العتيبي]

...
.

الله يعطيك العافيه
ياسيف العدل اختيارات رائعه.
....

اخي المحاورات المنقوله والصوتيه
لها قسم خاص ...
اتمنّى ان تنتبه لهذا الشي لاحقاً ...
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD