قصه وقصيدتها في الدخان

[@عريب الساس@]

من يصير نصيبه الدخان ؟؟‍!
السلام عليكم ورحمة الله وبركاته

كما هو معروف قديما نجد ان القهوة والدخان شحيح عندهم يعني قليل وتلقى مثلا القرية او الحي من البادية ما عندهم الا مشب واحد او اثنين والا ثلاثة ويصير المشب هذا مثل ما تقول منتدى للسمر والدعوات علشان عزبة القهوة فيه 0 والقهوة اللي يجيبها يصير هو مثلا اللي عزم الناس والا دعاهم 0
وعلشان الدخان كان قليل عندهم كان يدخرونه للضيف اذا جاهم , وبعضهم يدخرونه للطمع والاحتكار , لان فنجال الدخان يباع بكسبة يعني ناقة اللي يكسبونها من الاغارات 0
واكثر ما يدخر الدخان الحريم لتحين حاجة ازواجهن له 0
وجاء يوم من الايام اجتمع الشرب ببيت الشيخ ولا كان معهم دخان 0
وقالت بنت الشيخ : انا عندي دخان ما ادخرته علشان اطمع فيه لكني خبيته للي يقول بيتين يصيب فيهن الهدف اللي بنفسي ؟

قال الأول :
يا ما حلا كيف النشامى واناسه 000000 مع جادل ٍ مصيون ضافي لباسه
الجادل اللي كن عجات راسه 000000 مسك ٍ يجينا مع ردود الحجيج

قال الثاني :
ياماحلا كيف النشامى وفنجال 000000 ومقابلك من تلع الارقاب مكسال
من قبل ماياتيك قصاف الاجيال000000 مفاجات من لا باول العمر فيجي

قال الثالث :
ياماحلا كيف النشامى بغليون 000000 وصفرا نهار الكون لاجوا يعنون
وانا عليها بين طاعن ومطعون 000000 اقصر رسنها عند توالي الهجيج

قال الرابع :
ودك تسوي حومة الطير فنجال 000000 لا عاد مالك حاجة تلتهي به
اخير من ربع بخال على المال 000000 مال بلا معروف لو زاد خيبة
ياعنك لو تجمع طوابير واموال 000000 مال وراه الموت ما ينشفي به

قال الخامس :
ودك توافي وقفة الظل رجال 000000 ياماحلا جمع الحبيب لحبيبه
اليافرش لك باوسط البيت بظلال 000000 والكل منهم مشفي عقب غيبة

قال السادس :
ودك ادني طلعة الشمس مشوال 000000 لاجوا على الحروة وواق الرقيبة
جونا السبور وظهرواله هل المال 000000 أهل الرمك بين رداها وطيبه
اخير عندي من موافاة رجال 000000 لانثرت فوق المناكب سبيبه

فكان الدخان من نصيب الاخير , لان الشجاعة امنية النساء , وهي نفس الامنية اللي كانت تبيها البنت اللي معها الدخان 00



وسلامتكم |4|

[سحيم العتيبي]

الله لا يرد أيام الفلس ... ولو كان الفقر رجلا لقتلته ...