%% البارحة مانمت من ضيقة البال %%

[فهد الدعجاني]

السلاام عليكم

قصيدة تعبر عن مضمونها.

البارحة مانمت من ضيقة البال // عز الكرى يدخل عيون شقيه

مانام طرف اللي غدا فية ولوال // يكبت هموم في ضميره قويه

بالروح حسرات وباالصدر ملال // والقلب عبراته جروح طريه

أضرب كف بكف مانيب محتال // كل الحلول أمست عسيره عليه

أسباب ربعن يزحموني على الجال // شفت الخطا منهم والاذيه

عز التفاهم بيننا حال الاشكال // والمشكله كلمة وصارت قضيه

ذنبي نطقت الصدق ماقلت بطال // ولا نعتقد بالصدق ذنب واسيه

لكن ناسن تكره الصدق ينقال // وتخطي اللى مايسوى خطيه

قلوبهم فيها الردا والحسد كال // والحقد معميهم خباث الطويه

باالزور والبهتان والكذب تكتال // اقوالهم تبعد عن الواقعيه

ماشفت فيهم غير ماكر ودجال // من عندهم ضاع الوفا والحميه

ناسن على الفوضى خفيفين وعجال // من غير تفكير عميق ورويه

أما بفعل الخير يبطون وثقال // خطواتهم للخير دايم بطيه

وليا نصحهم ناصحن زادوا اجفال // والنصح مايدخل قلوب مغطيه

والناس ماتقدر على هداية الضال // والعلم مايدخل قلوبن صديه

هذي حقيقه مابها شك وجدال // والطق في الميت حرام وجنيه

ومن لاتعلم مايفيدن الاقوال // والدرس تفهمه الرجال الذكيه

والجاهل اللي يحسب الناس جهال // ويشوف نفسه صانع العبقريه

يمشي خطا ومن الكبر صار يختال // غره زمانه والسنين الرخيه

غير التشدق بالخطا ماله أفعال // الهرج بايخ والفعول انكريه

هماز لماز مخـــادع وحيــــــــال // ولا يحرى الا بالفعول الرديه

واللي يحز النفس ينسب من ا رجال // خبل سواليفه توسخ شفيه

ثورن هبيل بان في جسم رجال // نقص على ربعه وكل السميه

صورة عليها ثوب وشماغ وعقال // دميه تحركها يدينن خفيه

ماهو من اهل العز يذكر ولا المال // خسران بالدنيا وفي الاخرويه

لاخير في اللي شغله القيل والقال // فرقاه نورن وارض ربي فضيه

والارض ماضاقت على مد الاجيال // والارض ممدودة لكل البريه

والبعد مغنم عن مجاورة الانذال // لوهم جماعه مالهم قابليه

وسلامتكم

اخوكم ==== فهد

[ابن بدوى]

استغرب عدم وجود ردود او قراء لهذه القصيده التى تحمل فى معانيها الكثير من الواقع
والارض ماضاقت على مد الاجيال // والارض ممدوده لكل البريــه
والبعد مغنم عن مجـــاورة الانــذال // لوهم جماعه مالهم قابليه
00
صح لسانك 00 وطيبه ومعبره جدا عن واقع بعض الناس

[فهد الدعجاني]

صح بدنك ويعطيك العافيه وياليت المشرف يحذف القصيده وذالك لعدم الرد عليها وانا بنسحب من المنتدى واتمنى لكم التوفيق

[ابن عاصم]

كما انت دائما يافهد

لاتاتي الا بكل ماهو جميل
قصيده جزله
وارائعه الي مالانهايه

غبت عنا مده ليست بالقصيره

وعدت الينا بالجزاله

اما بخصوص الحذف
فلانستطيع ان نحذف مثل هذه الروائع قلوبنا ماتسطا عليها
القصيده هذي مثل العقد الولو كل بيت فيه لؤلؤه
فاسمحلنا ماااااااانقدر وملزمين حنا يابني عمك وربعك

ومعني ان لم يوجد ردود كافيه ياكثر اللي يقرونها ويمرونها ياخوي فهد ويعجبون فيها
لكن مايضعون توقيع وانت اعرف بالشي هذا وانت مشترك في اكثر منتدي وترانا متابعينك هنا وهناك مثل منتدي هوازن فعدم وجود ردود هذا لايلغي روعة القصيده

وعن الانسحاب نتمني ان تتراجع وهذا محلك وومحلك بني عمك وانت منت مخلي محلك ليا دريت ان بني عمك كلهم يبونك هنا .



وتحياتي لك

[لــيــل]

القصيده كتبها الدعجاني يوم الاربعاء وطلب حذفها يوم الخميس.
والمشاركات في نهاية الاسبوع دائما قليله جدا.

فلايحق له ان يطلب حذفها بمرور 24 ساعه.

[ابو وعيل]

فهد الدعجاني

دائما ماتتي لنا برواااااائع مثل هذي .. ولكن اتمنى

ان تكون دائما معنا في مثل هذا القصائد الرائعه .....

وماشاء الله عليك ماجيب الا الشي الرااائع ..

وصح لسانك يابن العم

تحياتي
ابو وعيل الرويس

[فهد الدعجاني]

مشكورين اخواني الاعزاء ابن عاصم وليل وابو وعيل على ردودكم الغالية ماننحرم من مروركم الكريم




اخوكم==== فهد

[سلطان الحافي]

صح لسانك ياود العم
والله يعطيك العافيه
والى الاامام لنهوض بمنتدى عتيبه الى مايليق بسمعتها

[فهد الدعجاني]

صح بدنك اخوي سلطان وابشر بنهوض المنتدى للاعلى باذن الله الف شكر على الرد والتعقيب

اخوك== فهد