الـــدانــــــه

[رشدان]

السلام عليكم

عجبتني هالقصيده وقلت تستمتعون بقراءتها

لاسقـى الله بالهنـا لحظـة وداع الـدانـه=كـن عينـي يـوم قفـت تلفـت ملطومـه
ساعـة الفرقـا لحالـي لخبطـت كيـانـه=ضاق بي رحب الفضا والفكر جا له حومه
وقلبي المحـزون زادت لوعتـه واشجانـه=وقمت احسب حساب وقتي للشقا وهمومـه
وابتديت استرجـع ايـام الهنـا وازمانـه=وعدت للمنـزل وانـا نفسيتـي مصدومـه
من عناي الروح من جور الزمـن تعبانـه=والروابـع بالتتابـع كنـهـا منظـومـه
والعيـون القشـر باتـت ليلهـا سهرانـه=مااهتنت والكبد من جرح الزمـن مكلومـه
والله ان النفس من قبـل السفـر واحزانـه=في سباقات (ن) مع ايام الزمـن محمومـه
مااعتقدت ان الرحيـل المـر حـان اوانـه=اثـر حـزات السعـاده مالهـا ديمـومـه
لكـن الشـي المقـدر كاتـبـه سبحـانـه=الحكيـم الله بخلقـه والبشـر محكـومـه
عقب ماهي ساكنـه بالحـي مـن سكانـه=صـارت الفرقـا علينـا هكـذا مقسومـه
وصرت عنها اسأل واطمن نفسي الولهانـه=واتحـرى مـن يزودنـي لـو بمعلومـه
من غلاها مااسمـع فـلان وكـلام فلانـه=المشاعـر بالمحبـه والغـلا محسـومـه
بالحلا والزين حـازت سمعـة(ن) رنانـه=وعن مزالق بنت حوا مكرمـه معصومـه
لطفها مع عطفها يعطيـك خـوش انسانـه=قدرها عنـدي رفيـع معـززه محشومـه
الله الخـالـق خلقـهـا للبـشـر فتـانـه=كنها صفرا (ن) لعوب(ن) بالرسن مشكومه
العلاقـه بيننـا عهـد وغــلا وميـانـه=بالمحبه والثقـه طـول الدهـر مدعومـه
ماتزعزعنـا دعايـة مـن يطـول لسانـه=ولا نرد الـروس للـي روسهـم منجومـه
الجلـوس بدونهـا يالربـع مالـه خـانـه=والله ان كبـدي عليهـا باللظـا موسومـه
مااقدر اصبر عن غذا روحي وعن شريانه=ونفسي القشرا على الحب البـري مفطومـه
قلت اسافـر يمهـا والحـي ابـي عنوانـه=وصرت افكر في الذهاب بخطة(ن) مرسومه
قالوا اصبر وقت والمسلـم قـوي ايمانـه=لكن القلـب المعنـى لاكفـخ لـه شومـه
قلتها والنفس مـن جـور الزمـن مليانـه=والتذاكـر جاهـزات وشنطتـي محزومـه

الشاعر واصل

<< لاتنشدوني من وين واصل