الشمالي طاروق لو سمحت

[متعب العتيبي]

مسيت بالخير يالشمالي
طاروق خفيف الله لايهينك

نويت اجيب العلم واثبت للاعيان=ان الحقيقه ماتبا ايات برهان
وأهل الجزيله ماشروها بالاثمان= والصبر زين وكل مطرود ملحوق

الثعلي الاول يناد اهل الشمال = يامرحبا ترحيبةٍ ترقى سنود
هبت عليك العاصفة مابه جدال= واسمع صياحك يوم خلق الله رقود

[مرزوق حمدان العتيبي]

..
.

الثعلي الاول..
..
صح لسانك على مبداك ..
...
وننتظر الشمالي الغربي ..
لكي يكتمل الابداع ..
..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[متعب العتيبي]

ياهلا يامرزوق

صح بدنك

شاكر لك مرورك الطيب

[سعود البرقاوي]

الله الله

يالثعلي الأول

طاروق رهيب وخطير وينذر عن محاورة قوية


متابع والصف شمالي شمالي

التوقيع

انا مثل الحكومة وأمري منفذّ على الشعار ولي سلطة على الشعار والشعار خدّامي جارالله السواط للتواصل : nofi3e@hotmail.com

[الشمالي الغربي]

الله يمسيك بالخير ياولد العم ولايهينك

ياللي نويت تجيب علم وحقيقه=عندي خبر ومثبته فى الوثيقه
موج البحر والله مايسلم غريقه=والصبر زين وكل مطرود ملحوق
يالثعلي الاول تعال اقرب تعال=الك البقا ياليت ماتنقص تزود
العاصفه مغير يالثعلي رمال=والذيب مايجفل ياكود انه شرود

[الشمالي الغربي]

مرزوق العتيبي


هلا وغلا

تشرفنا بمرورك

لاهنت

[الشمالي الغربي]

هلا بالغليم سعود

الله يصلحه

شرفني مرورك يالغالي


واتشرف بوجودك في صفي لاهنت


تحيااااااااااااااااتي

[مرزوق حمدان العتيبي]

...
.

الله الله علاكم...........

..

واصلوا واصلواااااااا
والصفوف ازهلوهااا
..

.

[متعب العتيبي]

وش عذرك امن الناس عقب الرمالي=هدت خيامك يالرفيق الموالي
وبسبابها ودك تشد الرحالي = والصبر زين وكل مطرود ملحوق

جيتك وانا لي ياولد عمي سوال=وانته لعلك ماتبيح بالسدود
الذيب يقنب في طويلات الجبال =والضبع ضبع ولايشابه للاسود

[متعب العتيبي]

هلا وغلا ياسعود

وصفي وصف الشمالي واحد

الله لايهينك