راكان وسلطان

[يجيلك يوم]

هو الفارس والشاعر المشهور والغني عن التعريف راكان بن فلاح بن حثلين زعيم قبيلة العجمان الذي بقيت ذكراه

خالده في جميع انحاء الجزيره العربيه بل تتعدى ذالك الى جميع الوطن العربي بما سطره من بطولات وقصائد مازلنا


نحن ابناء الباديه نتذكرها ونرددها بمجالسنا.

وهذه قصة اوردها عواض بن ضيف الله العتيبي في كتابه حياة الباديه في نجد .



( عندما اطلق سراح الشيخ راكان بن حثلين من اسر الاتراك له ؛ قيل انه طلب الصمان من الاتراك ؛

فوافقوا له على هذا الطلب فأراد العجمان اخراج مطيــر منها . فزحفوا على الصلب في الصمان وساندهم بذالك

قبيلة المره . فجاء

ابو اثنين السبيعي الى صديقه الدويش واخبره بمساندت المره للعجمان؛ فلما علم سلطان الدويش بقدومهم اليه

وليس عنده بقبيلته الى اقلها انسحب من الصمان الى البطين غربي الدهناء .


فأنشد راكان قائلا:


ياراكب من عندنا فوق شقران && سواج بواج بعيد المضاحي


يلف البطين ويلفي الشيخ سلطان && زيزوم علوى مبعدين المناحي


يمشي وينشد عن منازل فنيسان && يبغي بداري قامة وامبطاحي


الدار حامينها بخيل وصبيان && اهل القنازع دايثين الملاحي


والعذر منك يا الصبي ابن درجان && حنا فهقنا العصر نبغي الصباحي


خليت عشب الصلب يومي بالاردان && قفر تومي به هبوب الرياحي


ياما حدينا عند حلوات الألبان && وياما كسرنا خلفها من رماحي


ودي انك اصبحت يانسل وطبان && حتى يجيك من الهواشم صباحي


مخيله تاتيك من صوب نجران && مشروبها سم ذبوح ذحاحي


اول مطرها رشة الخيل بأكوان && ترمي العشا للطير مومي الجناحي


لاما ركبنا فوق طوعات الأرسان && عدونا يبطي وهو ماستراحي



فلما اجتمعت مطير على سلطان الدويش زحف بهم على الصمان ؛ فأنسحب العجمان ومن معهم الى الألاح قرب

الاحساء فقال شاعر الدوشان دعسان بن حطاب الدويش:


ياراكب من عندنا فوق ضبيان && مفتل الذرعان حر شناحي



كانه يباري له مع الجو شيطان && مايمسك لولا الرسن باللواحي


اسلم وسلم لي على الشيخ راكان && مبدل الصلب الحمر بالأ لاحي


ثم انشده وش صار علمه ويش كان && هو ليه عن دار نزل فيه راحي


يامير جيتوا في ضعاين وسلفان && وجيتوا بالمره معك يا بو فلاحي


وحنا فريقين على بيت سلطان && لاخذت مال ولاسهجت المراحي


والصلب لا ياكلك مثل ابن درجان && ويبقى فلاح وحيد ماله مشاحي


واخذ القضا نمرى على وقت الأذان && مملية بأهل الغلب والرماحي


لاجالها مع خاطي القاع دندان && ثم اختلط عج الرمك والصياحي


يلقى العشا في دربها الذيب سرحان && وجا لضباع العرج صدر ورواحي


عساك تسلم يا سلايل كحيلان && وينجيك ربك يوم كثر الطياحي


ولاتستوي للموت ياطير حوران && مار ان بعض القيل ماله صحاحي


تشره على دار ولاها ابن وطبان && بخضر النمش ومذلقات الرماحي؟


ياما بغاها من قبايل وعربان && وعلوى على جرد السبايا تناحي


عنها نحو بسيف غازي وطمعان && لين ابعدوا عنها وساع المناحي


عندك خبر يا امير ماني بغلطان && وترى الكلام الظلم سم ذحاحي

[فواز الشيباني]

اخوي يجيلك يوم
مشكور على القصه ولقصيده
الرايعه وتسلم يا غالي

[((الدلبحي))]

تسلم على حسن الاختيار


تحياااااااااااااااااااااااااااااااااتي

[أبو صقر]

تسلم على القصه والقصيده


مع التحيه........

[يجيلك يوم]

أسعدني مرورك فواز ولاهنت


تحياتي وتقديري

[يجيلك يوم]

مشكوور الدلبحي على مرورك العذب لاعدمتك


تحياتي لك

[يجيلك يوم]

تسلم سطام على مرورك الكريم ولاهنت يالغالي


احتراااامي

[ابـن نـعـيـس]

يعطيك العافيه

اختيار موفق


تحياااااااااااااااااتي

التوقيع

[يجيلك يوم]

مشكوور ابن نعيس على مرورك الكريم ولاهنت



احترااااامي

[منصور بن فهيد]

رحم الله الشيخ راكان بن حثلين والشيخ سلطان الدويش

وسائر اموات المسلمين

ويعطيك الف عافيه يايجيلك يوم على ادراج هذه القصه الرائعه

بإنتظار مشاركاتك القادمه بشوق

تحياتي

التوقيع

man.9.our@hotmail.com