هــذه القـصـيـده مـن قـائــلــهــا

[لاحــق]

السلام عليكم ورحمة الله وبركاته

هــذه القـصـيـدة قــرأتـهـا فـي أحـد المنـتـديات وذكروا أن شـاعـرها
مـن قـبـيـلـة عــتــيــبــه ولــكــنـه غــير مــعــروف
ارجــو مــن لــديــه مــعــرفــه مـن قــائــلــهــا
أن يـــوضــح لــنــا
مـع جـزيـل الشـكـر والامتنان
--------------------------
من لا طحن لقمته بالضرس والنـاب
لا هو تهنا ولا حـد ماضـغ(ن) لـه

ومن لا سعى بالمراجل واخذ الأسباب
أكيـد يسعـى علـى درب المـذلـه

ومن لا تعلم مـن دروس التجـراب
اتـراوح اخطـاه ثابـت فـي محلـه

ومن لا رفـع قيمتـه بالـذم ينعـاب
يستاهل الذم خبـلٍ نـازل (ن) الـه

ومن لا يسكر في وجه الريح الابواب
تشتالـه الريـح مـن بيـت يظلـه

ومن لا وقف دون حقه شهم طـلاب
يموت حقه ويجلـس باكـي(ن) لـه

ومن لا يعامل صروف الوقت بحساب
ما يحسب العلم ما هو حاسب (ن) له

ومن لا يعرف الدروب اخطا ولا صاب
عزي لمن عيـن راسـه مـا تدلـه

من لا يزيد العقل مـن درس وكتـاب
ضمـر دماغـه ويـا كثـر المبلـه

ومن لا يعـاون معاريفـه والاقـراب
وقت الشدايد مـا يلقـى مـن يقلـه

ومن لا يقدم لضيفـه قـول ترحـاب
ينطـق هـلا للخنـا يـوم استحلـه

ومن لا يزيد الغلا في قلوب الاحبـاب
يزيـد بغـض القلـوب اللـي تملـه

هـذا كـلام يوجـه لاهـل الالبـاب
يكرم عن اهـل العقـول المضمحلـه

هذا كلام اللي بادي (ن)راس مرقـاب
ويخيـل بـرق المـزون المستهلـه

شباب فالسن ميـر الوقـت شيـاب
وقتٍ مهـول يشيـب فاطـن(ن) لـه

والسلام عليكم
اخوكم
لاحــق

[مرزوق حمدان العتيبي]

..
.
بصراحه يالاحق
لااعرف قائلها ... وان شاء الله
الاخوان مايقصرون ..
حياك وشكرا على مشاركتك ..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ابـن نـعـيـس]

والله يالاحق

ما عرف قايلها

لكن ان شاء الله يفيدووون الاخوان

مشكوور على هالقصيده الرائعه


تحياااااااااااااااتي

التوقيع

[((الدلبحي))]

الاخ لاحق

لاعلم عندي من القائل لاكن اتمنى من من يعرف صاحبها موافاتك

تحيااااااااااااااااااااااااااااااااااااتي

[لاحــق]

مرزوق العتيبي

ابـن نـعـيـس

((الدلبحي))

الشكر الجزيل على مروركم ومتابعتكم

وكــلي أمــل بالاخوان