لافي حمود الغيداني

[((الدلبحي))]

مايـبـرد واهــج الـشـوق وشـعـور الـهـيـام=
غيـر سـرداً تطـوي البعـد بالسرعـه طــوي =
بديهـا مـن خلـف ماهـوب مثلـه مــن امــام=
مستوي في حـال .. وبحـال ماهـو مستـوي =
خشمهـا عبـرود طلقـه .. وموخـرهـا بـهـام=
رافــعــه راعــيـــه بــأشـــارة ٍ مـاتـنـغــوي =
لابدو دعاء السفر .. واعلنـو ربـط الحـزام=
ورشـادات الامــن لــو ترتـطـم والا تـهـوي =
واستلمـهـا واحــد ٍ خبـرتـه عشـريـن عــام=
كـبــتــن ٍ بالله وبـكـتـابــه إيـمــانــه قـــــوي =
مسـلـم ٍ عـنـده خـبــر بـالـحـلال وبـالـحـرام=
جابلـه ربـي علـى الـديـن وسلـوكـه ســوي =
وصعدت مثل اشقر ٍ فوق جول الصيـد حـام=
لمـراوحـهـا مـــع الـجــو لــجــه وحــــدوي =
مثـل مايـدوي صـدى صـوت رعـاد الغـمـام=
صوتـهـا صــداه عـبـر الفـضـا يـــدوي دوي =
صنعـة اللـي ماعـرفـوا لاصــلاة ولاصـيـام=
شعـب ٍ أكثرهـم ماهـو عـارف ٍ منهـو ذوي =
بالـنـهـار لياتـعـلـت كـبــر فــــرخ الـحـمــام=
دونــهــا الاف الـمـسـافـات تـزويـهــا زوي =
وان تغطلـس بينـك وبـيـن رؤيتـهـا الـظـلام=
كـن فـي روس اجنحتـهـا مشاهـيـب بــدوي =
دوبـهـم دكــو عــن دلالــه الـربـع الحـشـام=
تحتهـا مـن وقــدة السـمـر جـمـر ٍ مجـثـوي =
دايــم وربـعـه عـلـى جلـسـة ٍ عـنـده حـيــام=
ابـلــج ٍ لــيــن جـنـابــه لـربـعــه وحــمــوي =
مالـي الا هـي .. ليـاجـا لـلاشـواق أحـتـدام=
وقامت الذكـرى علـى القلـب تكوينـي كـوي =
لـي شهـر وشـوي عينـي محاربهـا المـنـام=
ودي احـضــر جـــوازي وادورلـــي خـــوي =
بـيـنـي وبـيـنـه مـسـافـات وحـــدود ونـظــام=
واحــد ٍ فـرقــاه شـاويـتـن فـــوادي شـــوي =
بــس ابــا ازوره مـثـل مـايـزارون الـكـرام=
لـيـن عيـنـي مــن قبـالـه وشـوفـه تـرتــوي =
لو بغيت اصبر .. واكابر .. واقول اني تمام=
ذيــب حـبـه بـيـن جــرد المـحـاديـب يـعــوي =
كـان مالـي فـي دروب الهـوا شـف ومــرام=
ليـن شفتـه .. واشهـد انـه هـواة المهتـوي =
يـاسـلام الله عـلــى السلـهـمـه والابـتـسـام=
وياسـلام الله علـى اللـي مابيـلـه مـطـروي =
كـن مالله حـط فـي منطـقـة خـصـره عـظـام=
وكـن غيـره ماحتـوى مثـل ماهـو محـتـوي =
لاقـعــد مــــاوده يــقــوم .. ولـيـاقــام قــــام=
تـلـوي اعـنـاق البـشـر قومـتـه يـمـه لــوي =
تقل بين اعلا الجسم واسفل الجسم انقسام=
شـي مـن جسمـه مرتـب وشــي ٍ فـوضـوي =
استلـمـنـي فـــي جـبـروتـه اشـــر اسـتــلام=
لـيــن طــيّــح مـعـنـويـات راس الـمـعـنـوي =
الـغـرام ليابـطـش فـيــك مـلـعـون الـرســام=
مايـعـرف هــذا قبيـلـي .. وهـــذاك خـلــوي =
يكـبـر الـرجـال امـــام المـهـمـات الـجـسـام=
ويصـغـر الـرجـال امــام الجـمـال الانـثـوي =
مايتحمـل نظـرة العـيـن .. وارخــاي اللـثـام=
لـو باسـه بــاس رحـمـة حـيـاة بــن جـلـوي =