من صفات الرجولة ( الشاعر مطلق بن حميد الثبيتي)

[الفراهيدي]

اختار سمحات الدروب النظيفة=اللي غسلها رايح المزن برشاش
يمشونها قوم النفوس الشريفة=اللي ضمايرهم نقية كما الشاش
ابيوتهم مثل الحصون المنيفة=ما هي لطير البوم غيران واعشاش
واحلالهم للضيف دايم مريفه=لو رجلهم يسرح ويضوي على ماش
والرجل منهم ما يخلي رديفه=إن ما ت مثله مات وان عاش له عاش
وان مات منهم رجل عقب خليفه=يطهن نحور القوم ويرد الادباش
يعرف هدف روحه ويعرف وليفه=ما يعرف الخونة ولا هو بغشاش
وليا رزقه الله بعذراء عفيفة=ايحطها ما بين نونه والارماش
ماهو على الخفرات يستل سيفه=وان طالعوا فيه الرياجيل ينحاش
حلو النبا سمح المحيا لضيفه=ويصير له خادم مسخر وفراش
وان مد ما مدت يمينه قصيفة=مدت يمينه تبهر الخبل واللاش
واليا هرج تلقى علومه طريفة=ما هو لهفوات الناعير منقاش
وان شبت النيران ما هو بليفة=في ساعة الكربة سواي ورشاش
سده بعيد ولا أحد يعرف غريفه=ولا هو لعرض المكرم العرض نهاش
والشوك في جنبه سوات القطيفة=إن كان ما له بيت مامون وافراش
ما يرتكي فوق الخبول الضعيفة=اللي ليا حركتها قدرها طاش
وان جا نهار كل قرم يعيفه=ما هو ليا ثارت على القوم رماش
الكذب يعرف بين الأجواد زيفه=والصدق مثل السيف صاطي وحشاش
وصحيفتة يا طيبها من صحيفة=ولها من العقال كاتب ونقاش
حاز المراجل والمراجل كليفة=الا على اللي كل ما رامها هاش
وان شاف له من جانب القوم خيفة=تلقاه للخيفة مهاجم وبطاش
الصدق والمعرف والطيب كيفه=ويغبش لها مع طلعة الفجر مغباش
للحمل ما تلقى جنوبه صخيفة=حوله بروق تعمي العين وافلاش
يصبر على جرحه ويمسح نزيفه=طبه بشبه خير من طب الاحباش
ولا هو كما سبع سنونه ضعيفة=دايم يلحسها وللعظام عراش
وان شاف له في غيبة الناس شيفة=ما هو بخبل لاخضر العود قراش
دنياه لن صارت ذلول عسيفة=طوع علها كل عاصي ونفاش
وان كان قفت ما عليها حسيفة=ولا هو ورا هوج المعاصير قشاش
وان جاع ما وقع كما طير جيفة=وان عري ما يلبس سماليل وأخياش

سلامتكم

التوقيع

AL-frahedi@hotmail.com

[((الدلبحي))]

صح السانك والسان الشاعر مطلق بن حميد الثبيتي


تحيااااااااااااااااااااتي

[ابن شلواح]

تسلم يمينك ولاهنت وصح لسان الشاعر /مطلق الثبيتي
أخوك ابن شلواح

[فيصل المسعودي]

صح لسان مطلق الثبيتي


تسلم يمينك على نقلها ياغالي


لك تحيتي

[سـالـم الـصويـت]

الفراهيدي

الله يعطيك العافية

والله يرحم الشاعر : مطلق بن حميد الثبيتي ويسكنه فسيح جناته

تحياااااااااااااتي

[النافذ]

الاخ الفراهيدي

صح السانك والسان الشاعر مطلق بن حميد الثبيتي
صح السانك والسان الشاعر مطلق بن حميد الثبيتي

[ابـن نـعـيـس]

صح لسانك ولسان الشاعر




تحياااااااااتي

التوقيع

[الشاهر2000]

يعطيك ألف عافيه أخوي الفراهيدي على هذا الأختيار الموفق لهذا العلم الشعري المرحوم الشاعر مطلق الثبيتي

[الفراهيدي]

الدلبحي
الله يعطيك العافية
على مرورك الكريم

[الفراهيدي]

صح بدنك يابن شلواح

وجعلك سالم وغانم