بسم الله الرحمن الرحيم
هذه قصيده تحكي معاناة إنسان بسبب غلطه غير مقصوده إنتهت حياته .
سلطان بن رباح كان له أخ لم تلده أمه أخ دين ودنيااااااا هو محمد بن عقيل كانت أخُوتهم على وضح النقااا . . ومن زود ما يغلي محمد سمى ولده محمد على إسم خويه .
كانوا يعشقون الصيد . . وفي رحلةٍ من رحلاتهم وفي فترة الظهيره . .
كان محمد يجهز الغداء وسلطان ينظف السلاح ومن غير قصد وبدون علم بوجود الطلقه في مخزن السلاح إنطلقت الرصاصه لتسكن في قلب محمد وترديه صريعاً . ولم يكن عندهم أحد وضع سلطان في السجن وبدأت المشايخ بالوفود على أهل محمد لكي يصفحوا عن سلطان ولكن بدون فائده .
وصدرالحكم عليه بالقصاص . وبعد التنفيذ ومصادفةً صار قبر سلطان بجانب قبر محمد .
وإليكم هذه القصيده بين أيديكم :
يا فلاح الهم خيّم فوق قلبي يا فلاح = كيف تبغاني أسولف وأنت خابرني عليل
ويش قولك في عليلٍ في حياته ما إستراح = تنتثر دمعة عيونه لأظلم الليل الطويل
حالته لا ما تباعد حال ( سلطان الرباح ) = بالخطأ راحت حياته والخطأ ماله مثيل
كان ويّا صاحبه إثنين في أرضٍ براح = يطردون الصيد من صبح لين المقيل
إجمعتهم صحبة الدنيا على جد ومزاح = ما يهابون الليالي والحمول اللي تميل
ما قتل عامد ولكن ثّور إبليس السلاح = بالخطأ ثار السلاح وين يلقى له دليل
إنعقد سجنه وربعه تنتظر فك السراح = والأكيد إنه سجين مارضوا ربع القتيل
هل دمعه يوم صلى ركعتينٍ فالصباح = في نهار الجمعه اللي ثقيلٍ في ثقيل
هلّل وكبّر ونفسه تذكر اللي راح راح = كان في ربعه عزيز وذله الوقت الذليل
( لا محمد لا تهاني لا سعود ولا صلاح ) = كلهم كانوا على باله وهمه في (هديل )
طفلةٍ ماكملت عامين وصايبها كساح = وإنتثر دمعه وحاله من سبايبها نحيل
حان تنفيذ القصاص وغطوا الراس بوشاح = وجاك سيّافه يشيل السيف أبو حدٍ صقيل
إرتخى راسه وزاد الموقف الحامي صياح = بين نوح وبين دمع وبين صيحات وعويل
وإرتفع صوت الحشود وزاده محمد وصاح = يا يبه تكفى دخيلك تستمع قول الدخيل
يا يبه وشلون نصبر كيف نهجع بإرتياح = وأنت من دنيا عيالك ماخذك مر الرحيل
يا محمد هاك علمي وإحفظه قبل المراح = إنتبه لإخوانك وبالك عليهم لا تعيل
والله الله فالصلاه وفالصيام وفالصلاح = والله الله فـ ( أمكم ) والله لكم بعدي كفيل
غمض عيونه ونفسه تطلب الله السماح = رافعٍ سبابته ( مظلوم ) والله الوكيل
سل سيّاف الصفا سيفه ودقه ثم طاح = راس ( سلطان المراجل ) وإنتثر دمه يسيل
غسلوه .. وكفنوه .. وفاح طيب السدر فاح = وبالمصادف صار قبره جنب قبر
يا فلاح الكارثه ماهي سوالف يا فلاح = خلني ساكت ودوّر غير هالقصه بديل