قمنا نشوف الحق عبر الدرابيل

[فواز الشيباني]

اللي غرق فالبحر شاف البهاذيل
إما هفا وإلا من الثانية تاب
مير البلا بحر الشعر يا رياجيل
غاصوبه العميان وأعموه الاجناب
متى يتوبون الغجر والمهابيل
متى تموت الروس وتموت الاذناب
الراعي لاساق الرعيّه على الميل
اللي وقع بالعود ياقع على الشاب
راحوا في عين الناس مثل الفناجيل
الشكل واحد والدوافع والاسباب
حتى الشعر دارت عليه الغرابيل
عيّا لا يسلم من دنافيس الارهاب
قمنا نشوف الحق عبر الدرابيل
صارت ساحتنا عنصريات وأحزاب
واحالة الساحة من الحط والشيل
بنتٍ أبوها حر زوجها لغراب
البنت تطمح يم أبوها من الويل
وأبوها واشيبي لا ودّا ولا جاب
ما عنده إلا كل ما خيّم الليل
يصرخ سواة اللي قريصٍ من الداب
ما يستوي راع الحمارة على الخيل
ولا يستوي قاضي مع الناس كذاب
ترى القصيده ما هي بنٍ ولا هيل
ولا هي بمسباحة ولا هي بمشعاب
مثل الدرج بالمعنى والوصف والقيل
يبنيها شاعرها على قد ما جاب
إما رقا فيها على الجدي واسهيل
والا نزل فيها على جوف سرداب


للشاعر خالد عزيز

اعجبتني

[فيصل المسعودي]

ترى القصيده ما هي بنٍ ولا هيل
ولا هي بمسباحة ولا هي بمشعاب
مثل الدرج بالمعنى والوصف والقيل
يبنيها شاعرها على قد ما جاب
إما رقا فيها على الجدي واسهيل
والا نزل فيها على جوف سرداب



صح لسااانه


تشكر على النقل الموفق والرائع


تحياتي

[فواز الشيباني]

اخي فيصل مشكور على مرورك الكريم

[ابـن نـعـيـس]

ابو طلال


صح لسانك ولسان الشاعر خالد


تحااااااااتي

التوقيع

[فواز الشيباني]

اخي ابن نعيس تغيب وتجبي بلعلوم الطيبه مشكور ياغالي على مرورك