العظيمه ضيدان ابن قضعان

[غشام نجد]

ياعظيمه كل شـي لـه حـدود و لـه نهايـة
لكن أنتي ما وقفتي عنـد حـدك يـا عظيمـه


أستلذيتـي بطعناتـي وأخذتيـهـا هـوايـة
كن مالـك حربـة توجـع و طعنـات أليمـه


آه ليتـك مـا تماديتـي بطعنـات البـدايـة
لين صار لكل طعنة فالحشـا معنـى و دقيمـه


الله يبيحك ولكن كيـف فـي أغـرب روايـة
تكتبين الحـب كذبـة والهـوى دقـة قديمـه


و أنتي اللي كل ما لـدت عيونـك فالمرايـه
ما لمحتي الا اليتيم اللي خـذت قلبـه يتيمـه


و اليتيمـه فاليتامـى مالهـا حـق الوصايـة
الوصية عودها الغـض و نوايهـا السليمـه


لكن أنتي صار لك حق الوصايـة و الولايـة
و استبديتي و شدو البدو و أضحيتي مقيمـه


ما رحلتي ليـن حطمتـي بمـا فيـه الكفايـة
عاقل حب الجنون و صوت نارك في هشيمـه


استبحتي حرمة المجنـون بـادراك وعنايـة
و التفتي له بعقلك وارتكزتـي فـي صميمـه


امتلكتي غايته لـو كـان مالـه فيـك غايـة
و انتصرتي في عيونه وأعترف لك بالهزيمـه


من كثر ما يعشقك ما قال لـك بالحـب رايـة
خايـف الأيـام لا تطلـع عواقبهـا و خيمـه


في طريقك كل ما كنـه لمـس درب الهدايـة
تـاه و دروب الحيـاة المستقيمـة مستقيمـه


تايه بصري و مـن جابـه لبيـت الله تايـه
عذر من غمض بعين و عينه الأخرى كريمـه


فدوتك ما فات من الايام و اللـي عـاد جايـه
يا بعد عمرٍ مخاسيره معـك عنـدي غنيمـه


أنتي الفارع بقد و جـد و أسمـاء و كنايـة
من عشق مثلك يجوز من الهوى و شداد ريمه


ليه لا .. و أنتي بحسنك في ذوات الحسن آيه
لا ذهب ولا ماس ولا ياقوت ولا أحجار كريمه


شاعر له مع أهل الرايـات فالمرقـاب رايـة
كل ما هبت هبوبـك فلهـا قـدر و حشيمـه


سامحك من ألف و باء والذنب الى ماله نهاية
و أستباحك عن خطاه و كـل طقـه بتعليمـه


يوم قلتـي أعطنـي حريتـي أطلـق يدايـه
ما ذخر عن وجهك الا طعنتين فـي صميمـه

[((الدلبحي))]

صح السانك والسان الشاعر الكبير ضيدان بن منصور


تحيااااااااااااااااااااتي

[فهد العصيمي]

صح لسانك ياغشام ولسان ابن قضعان

ولاهنت على الإختيار الرائع

[غشام نجد]

الاخ الدلبحي
فهد العصيمي مشكورين على المرور