شجاعة عتيبي. مسحل بن براعص معيوف وبار النبعاني العصيمي

[العقاري]

هذي قصة مسحل بن براعص حين جلس على الحيه
السلام عليكم ورحمة الله وبركاته.
هذا مسحل بن براعص من العصمه
انسرق له ذلول والنهار الثاني قصها حتى وصل السداره وكان ذيك الايام في ساموده يحفرون بير البراعصيه موجوده حتى الان ولما وصل السداره قصها حتى دخل في قيا (ديار الحرث) كان يعرف شيخهم و علمه بسالفه وقال الشيخ العشا الليله يابن براعص واسالك عنها، قال تم ويوم قلطو الرياجيل علي العشاء وقرب حسبها تحته (الحيه) وهو كان على ركبه ونص وحط يده كانه يتعشاء ولما خلصو الرياجيل قال يامعزب شيل صحنك وشب النار انا تحتي سامه ضحكو بعض الجالسين هذه خنفس يدور تحتك، وهو معروف كان شجاع وفيه من القوه مالله به عليم قال ابا اقوم ذلحين واذا كان فيك خير ياولده اجلس علاه ولما شبو النار لم جبته وقام يوم قام شافوها وخافو وقال شيخ الحرث هذا بن براعص والله ان ماطلعت ذلوله ليجي علمن اقشر وقام واحد (الحرامي) وجابها وحلف الشيخ ليذبحله ويعشيه وحلف انها ماتكتبله وسرى ويوم جلسو بعده جاهم خنفس وتحاوصو عنه يحسبونه عقرب وقال شيخهم نعنبوكم تنحاشون من خنفس والعتيبي اولا جالس على الحيه.

وهذي من ابسط ماصار على مسحل بن براعص الله يرحمه ويرحم اموات المسلمين

وهو اساسه من نجد ولاكن جا للحجاز هو وابوه واخوانه وحفرو البراعصيه

الناقل. ابو وليد.