رديه بين الشاعر خويلد خالد الحزيمي و الشاعر نوناف نايف الحزيمي

[نواف نايف الحزيمي العتيبي]

ياشين هرج قليل العرف شيناه .... لاتاع بالهرجه ولاهو مبالي
يقولها من غشم ماهو مبلاه .... لو ان مال الشين فيه مدالي
هو مادرى لو اني ابا اتقصاه .... لقيت مايلقون ياهملالي
لاكن مالي حاجتن في خفاياه .... اشوم عن عيب الرفيق الموالي
ماودي الا بس يرجع اليا تاه .... اخاف يهرج هرجتن ماتقالي
ولا خماله كل مابين ارفاه .... و ادراه لاجاء للسوالف مجالي
واصد عن مايعترض لي ولا اشناه ... من عادتي ماحب كشف الخمالي
من راح عنا وانتحى مالحقناه .... الا بزين وطيب ويروح غالي
والي يتوع خمخم الدرب واخطاه .... مسكته الدرب السريع العدالي
واما اعتدل ثم راح عني بمجهاه .... ولاحنيته حني مثل الهلالي
يقولها منصى النشاما وتنصاه .... لاعدو اهل الطيب في كل حالي
مقدرن معهم والي قدر مع جاه .... انشد وتلقى من يجيب السؤالي
لمحت لك تلميح مبغى المباباه .... وقصرتها عن ماطرى لي ابالي
ماقل دل وزبدته حسب معناه .... ويكفيك بعض القصر عن ما يطالي

الشاعر : خويلد خالد البنيد الحزيمي العتيبي


ورد عليه الشاعر : نواف نايف هلال الحزيمي العتيبي

حي الله الشاعر و هالقاف حياه .... من شاعرن يرقى طوال الجبالي
شاعر حكيم وجاب قافه وغناه .... خطه على بيض الورق وانتحالي
و السفن ترسي فالبحر دون مرساه .... لو الهوى يزداد و الموج عالي
والرجل مايطرد هذا ثم هذاه .... وقدام رجله لا تجي فالهيالي
طردة صغار الهرج هي طردة الشاه .... يعرف حرام الشي هو والحلالي
مايلتفت في ناقص العقل ياطاه .... ياطاه بالحقران والابتهالي
ياخويلد انته ماتجيك المعاناه .... مثلك يشيل الحمل لو مايشالي
فيك الشجاعه والكرم والمخاواه .... وتعز نفسك لو تجي فالقتالي
يقولها من عاش من عشت وياه .... اطفال نلعب قبل نلبس عقالي
جيران عشنا الشين والزين عشناه .... عشنا سوا شباب شفنا رجالي
ونموت مامنا الخطاء رجل سواه .... ماقطع وصالك مانت قاطع وصالي
ابدن حشا حنا الخطاء ماحكيناه .... احكي وتحكي طعم عدن زلالي
هذا ماشوفه في ثم فيك انا اراه .... المر حنا نبدله كل حالي

الشاعر : نواف نايف هلال الحزيمي العتيبي

آخر تعديل نواف نايف الحزيمي العتيبي يوم 21-Jun-2013 في 03:52 AM.