طاروووووق جديد

[علي القحطاني]

سلام والمبدا سلام ولا نقول الا السلام = ورحمة الله وبّركاته خير ما نبدا بها
يا منتدا الهيلا نصبت بداركم بعض الخيام = بعض الخيام اللي على البيدا ضربت اطنابها

[المسرّي]

ارحب يا علي
واستلم نفدااااااااك : ودي استفيد منك :

يا مرحبا والمحترم يلقى من الناس احترام=ياسعد عين اللي عرف جزل العلوم وجابها
ما دام ماهي قصرٍ يناطح مراويح الغمام=خطرٍ تطيّرها هبوب الصيف في مهبابها

[علي القحطاني]

البقا واستلم طال عمرك:

دام البقا والشعر يالشاعر تفاهم وانسجام = ما هو نحوسٍ تهتبد ليقربها حلّابها
الصدق مثل النور ساطع بين طيّات الظلام = الميد بيّن والخيول الجمح من ركابها

[المسرّي]

علّم بها اللي ياخذون الشعر من دون اهتمام=وانته وانا ندري عن السلعه وعن جلابها
حنا بلشنا بالطيور اللي على راس العدام=من كثرها ما عاد نعرف صقرها وغرابها

[فراج القرقاح]

ياسلاااااااااام محااااوره قمه قمه....
علي القحطاني ×المسرّي....

اعجاااابي الشديد ... وازهل الصفوف ياعلي....من غير قصور بالمسرّي...

[علي القحطاني]

ما لك ومال الكلمه اللي لا حلال ولا حرام = خلها وشم عنها وهي ترجع على كتّابها
سعر الذهب غالي ووزنه بالقراط وبالجرام = بعيد عن فقران الأيدي لو تزيد حسابها

[علي القحطاني]

مرحبا بك ومسهلا يالداهيه ومرورك شرف لنا لا هنت يالغالي

[المسرّي]

انته تعاتبني وانا مااخطيت عن درب النظام=لكن وش تسوّي مع الجهال لو تبلابها
راع الجمل ما يلزمه لاافلت يديه من الخطام=دام الرعيه هامله , رعيانها وش صابها

[((الدلبحي))]

تسلمون يالربع

تحيااااااااااااااتي

[علي القحطاني]

ترا الجمل يخطم وخشم الثور يلجم باللجام = يا راعي الفلّه علامك ما تسكّر بابها
التنتنه جت بالبكا والطق فكّاك اللحام = والله يكرّم لحيةٍ طالت بظل أشنابها