جعيثن الكرشمي

[عيضه الثبيتي]

قصيده مهداه إلى أخي الشيخ جعيثن الكرشمي آطال الله في عمره...

:

:

:

ياراكب اللّي زاهياته وصوفه=عليه سوّاقه ماغير أيتدرّا
اليا مشى فالدرب ماحداً يطوفه=أتقول قدّامك حصانً معرّا
واليا وقف فالسوق كلاً يحوفه=ما ودّك ألاّ في جنوبه تمرّا
فكسار يسعد كل عينٍ تشوفه=لا صارت الأيام سرّا وقرّا
يشريه شيخًا مايحسب الكلوفه=كن الدراهم من جيوبه تبرّا
واللّي مايقدر قيمته وآحسوفه=سعره ورا الميّه ثمانين برّا
رقمه (016)وألاّ حروفه=القاف واللّي عقبه الميم والرّا
وحليت قبلك والدروب معروفه=دار الذي بالجود ذكره يطرّا
منصاك منزالً تهاتف ضيوفه=وشيخً على فعل المكارم مضرّا
وتاريخ عن يومٍ تلامع سيوفه=وعلوم ٍ أعذب من هماليل غرّا
أبو محمد لا عدمت معروفه=بالمعرفه ماباع وألاّ تشرّا
اليا وقف فالنوب جمّل وقوفه=ويكفيه فعلاً هاك الأيام مرّا
ياعنك مالقّا لزومه كتوفه=وقف وزاد قلوب الانذال حرّا
ولا قال أخاف من الزمان وظروفه=ولا قال أبا أصبر وأنتظر وأتحرّا
ويا جعل داره بالحيا من قنوفه=لا لاح برّاق المخيله وسرّا
والصبح راع البوش ذكّى خروفه=مع درب سيلً جرّ الأغصان جرّا
هذا هوى بالي وهذي شفوفه=وهذاه رائيي وأنت ويش أتورّا؟؟

وسلامتكم


أخوكم عيضه الثبيتي

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[محمد الذيابـــي]

..



صح لساااانكـ مليووون


ولا هنت يالغالي..


...

التوقيع

التوقيع محمد الذيابـــي

[فيصل مطر]

صح لسانك ياعيضه

ابيات رايعه جداجدا لاهنت واكيد ان صاحبك يستاهل ومن حصل شي يستاهله

فيه غلطات أملائيه واجد وابرزها في آخر بيت

تقبل

مروري

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[مهنـا العتيبي]

المشاركة الأصلية كتبت بواسطة فيصل مطر

صح لسانك ياعيضه

ابيات رايعه جداجدا لاهنت واكيد ان صاحبك يستاهل ومن حصل شي يستاهله

فيه غلطات أملائيه واجد وابرزها في آخر بيت

تقبل

مروري

ههههههههههههههههههه


ترا الرجال مدرس لغه عربيه

يابومطر

[مهنـا العتيبي]

صح لسانك واعتلى شانكــ

قصيده (قمر 16)

على ماقلت

[عثمان الثبيتي]

الله الله
يابو فيصل
صح السانك
انت كفو والكرشمي يستاهل

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

[خليل هليل الشيباني]

صح السانكــ ياعيضه

ويستاهل الكرشمي

[أبونايف الروقي]

أحسنت ياعيضه وخويك يستاهل . صح لسانك

[قيس العازمي]

صح لسانك لين ترضى



والكرشمي يستاهل




تقبل مروري

[عجاب الدغيلبي]

كن الدراهم من جيوبه تبرّا
الله الله
شطر عن قصيدة كاملة
أبو فيصل صح لسانك
أنت وافي وجعيثن الكرشمي يستاهل

التوقيع

الأطلال تحكي سيرة الحب للعشاق=ماتنسى مادام إن المعالم توضحها ليا شفتها سبحت للواحد الخلاّق=عقود الزمن ماغيرت من ملامحها عجاب الدغيلبي