من العايدين ..
هبّ عاصوف القصيد و ميّل الباكورة = لين لانت في يديني واستوت لالحاني
لو تقف هيأة حقوق الناس ضد الثورة = شرع ربي ما يحرّم جلد ظهر الجاني
ايه انا سنّي خلقت ورايتي منصورة = ولا حسبت لشرهة الشيعي ولا العلماني
في ضميري كلمةٍ مكشوفةٍ مستورة = ما يوقّفها سكوتي دون حدّ لساني
لو يقول الخبل باستكشف رموز سطورة = قلّه ان اخوي يجهل وش ورا كتماني ؟
يتريّح قبل ترجع هقوته مكسورة = أو يجاوبني على طرقي و صوت اشجاني
آه يا كرسي زعيم الدوله المعمورة = الخلف مسلم ديانه والسلف نصراني !
عند كلمة من لسان الفاتن المغرورة = يمكن يبيع الرفيق الاوّلي والثاني
كنّي اسمع من عزيف اجداده المقبورة = آه يا خيبة رمادي من بعد نيراني
جمّع اوباش الدجل ونفوسها المسعورة = لين طمعت فالشّداد وفي نصاب سناني
مير قلت الله أكبر عوّدي مدحورة = يا شهابي دكّ روس المذهب الشيطاني
دارت الدنيا عليهم دورتين و دورة = وصار مستقبلهم اسود رهن بيض اكفاني
راعي البيت الرّدي والقصّه المبتورة = صار قصّه من نتاج ابداعي الربّاني
لا يقول ان البطوله تتفق مع دورة = البطوله يعربيّه واصلها عدناني
يعلم انه لو يجمّل حاله بـ ديكورة = لا غزيته ما يفكّه غير جاه اخواني
قد تعزوت به هذيك الفاتن الغندورة = مير خيّبها عسى حظه وعمره فاني
علّموها تنتبه لاعصابها المذعورة = وتنتبه لرضاي قبل تخاف من عصياني
لا تقرّبني وانا من عزوة ٍ مذكورة = ولا تحسب ان الحلا وان الدلال اغراني
لو عشقت الروح والصوت النّدي والصورة = كيف اصبّ الدم الاحمر فوق دمٍ حاني
يا إلهي ما نطقت الكلمة المحظورة = ولا جزيت الناس باستهزائي وحقراني
بس انا عندي ثقه في شعري و جمهورة = و في مواقيفي وفي طيبي وقوّ ايماني
ليه لا ؟ وابوي راع السيره المشهورة = يشري الطيب بدمه ويقدّمه مجاني
حسابي في تويتر
آخر تعديل زيد ابو كتيفه يوم 28-Aug-2012 في 10:21 PM.
« آخـــر الـــمـــشـــاركــــات »
29-Aug-2012, 11:15 AM
العرض المتطور
