البث المباشر

[ضاامي وفااا]

جات القوافي شـرّدٍ بلسـان شاعرهـا الفصيـحتحمـل مضاميـن الخبـر واخبـار لنـدن ذاعـتـه

فوراً على البث المباشر ينتشـر مـع كـل ريـحمـادام ذنــب المبُـتـلا عُـلـق عـلـى شماعـتـه

الليل عتّم والمسـاري بيـن شـوك وبيـن شيـحعاميـن طايـع للزمـان ولاظفـر مـن طاعـتـه

وش حيلـة اللـي فالكتيبـه يستـعـد ويستـريـححسـب الأوامـر يجتـهـد مـيـر الليـالـي لاعـتـه

الله يعينـك تحتـزم بالصـبـر يالقـلـب الجـريـحمـالـك دوا عـنـد الطبـيـب ولاتفـيـد اشـاعـتـه

من لايوقّت ساعته دايم على الوقت الصحيـحلايزعـل اليـا فـاتـه المـوعـد ودقّــت ساعـتـه

واللي يقول ان العطا وافي من الكف الشحيحمـاكـنـه الا جـــم بــيــرٍ مالـحـقـنـا قـاعـتــه

الذيب يوم إنه عوى ماهو علـى شـان الفحيـحوالحيه اللي تطّحـن ماهـي سبـب فـي راعتـه

مـن طلقـةٍ رمايهـا ضيّـق بـه الكـون الفسيـحوالرجم يحمي من زبن والذيب صـان وداعتـه

لـه فـرّةٍ مـع كـرّةٍ بـيـن السـلامـه والمطـيـحدامه على المرقاب عدى والسميـن اطماعتـه

ماغـز نابـه فالسقيـمـه والكسـيـره والنطـيـحخلا الضعيفـه للضعيـف وسببـت فـي ضاعتـه

مردودها في ساعةٍ دقّت على الوقت الصحيحوالـلـي يهـمـه مـوعـده لازم يـوقّـت ساعـتـه

عبدالله محمد العصيمي

[ولـد الـهـيـلا]

الله الله ..
صح لسسـإن العصـيـميُ ..
ولاهنت يـ: ضـامـي !

[ضاامي وفااا]

بارك الله بك , شكراً أخي الكريم

[عزارم]

صح لسانه ولا هنت ياطيب

[ضاامي وفااا]

بارك الله بك , شكراً أخي الكريم