يابو فهد ::::::::::::::: - الهيـــــــــــــلا *** منتدى قبيلة عتيبة

نايف العبيد العتيبي · 01-Jul-2005, 05:30 AM

قصيده بالاستاذ : مبارك خليفه الواكد الأسعدي العتيبي

بادي كلامي بالله النــــافع الضـــــار

................................سبحانه اللي منـــفرد في قـــــراره

ومن عقبها حبيّت اشــارك بالاشعار

.................................واجني من غصــــون المثايل ثماره

يومين أقلّب هاجــس الفكر مـــحتار

................................وخطر ٍ من همومي اطـوف الإشاره

أبغى ليا قلت الشعر وســـط شّـــعار

..................................يجمـــّلن شعـــري ويـضوي نـهاره

قم ياقصيدي وّدي آخــــذك مشــوار

.................................وافــــزع تراني انتــــظر منك شاره

تكفى تجّمل لاتـــــجازيني بإنــــــكار

..................................وإن مــــافزعت اليوم أكبر خساره

قصدي أشارك مع هل الطيب والكار

................................واثني علـــى اللي بالكرم شب ناره

ابو فهد راعي الوفى مـــــكرم الجار

..................................ذبح السمـــــينه عـــادت ٍ له وكاره

ودلال عود وهيل دايم عــــلى وجار

..................................ومداخـــــن ٍ لهــــل الوفاء استداره

مبارك كحيلان من مـــــاكر احـــرار

....................................من ماكر احــــــرار ٍ براس الزباره

قد قالو إن الــــــجار للـــــجار لوبار

..................................وابوفهد ماقّصّـر بحــــق جـــــــاره

ريف القطين اللي تـــحدّته الأقــــدار

................................ كّنه زبن في قصـــــرته وسط قاره

جدّه سعد صيته وصـــل كل الأمصار

...............................اللـــي عـــلا صـيته وشع شع فناره

ريف الدخيل اللي تغــّــشته الأخـطار

...............................شــــايع زبــــن عنــّده وخّـــــلا دياره

كّنه زبن في قصر مارد وسنــــــجار

...............................الضــــيف يـــهنأ في حمـــاه وجواره

ظل ٍ ظليل ٍ للــــــصواديف صـــــــبّار

...............................شيخ ٍ حكيم ٍ للــوغى بــه جســــاره

أنا أشهد إن الطيّب الـــــيوم يــــنزار

...............................وإلاّ الـــــردي يّذيك مــثل الزقــــــاره

وصلاة ربي عّـــد ماطــــاير ٍطـــــــار

...............................علــى شــــفيع الخلق يوم انحشاره

شعر :الوسم