زاهي الشمري في مدح قبيلة الذّيبه

[ولـد الـهـيـلا]

يالاد ذايب واهني الذيابه
يومها تسمت بسمكم يأهل الطيب
بالاسم والا الفعل مامن تشابه
باقول وش فرق الذيابي عن الذيب
الذيب قسمه من عشاه النهابه
ينهب عشاه بعسمة الليل ويغيب
والا ابن ذايب دوم مفتوح بابه
ويعشي الضيفان حرش العراقيب
والذيب فرسه بين ضرسه ونابه
والا ابن ذايب برهاف المحاديب
والذيب ماهو كل عالي رقابه
والا ابن ذايب طال كل المراقيب
والذيب لمن غاب طول غيابه
والا ابن ذايب كنه الجدي مايغيب
والذيب طوقات البنادق يهابه
والا ابن ذايب كنه الزير وكليب
هذا الصحيح ولا يجيبه غرابه
شين مجرب بأول الوقت تجريب
من شان دعوتكم قبلت الاجابه
من دار حاتم جيت قدرآ وتوجيب
دار الطنايا عز منهو لجابه
هم لابتي ساس الفخر والمواجيب
برغم من جمع الاهل والقرابه
لبيت دعوتكم ورحبت ترحيب
سلام يعز الخوي ياعتابه
افعالكم ماتنحسب بالحواسيب
لطامت العايل بوقت الحرابه
ذباحة الحايل وستر الرعابيب
والمدح بالعتبان عز ومهابه
والله مالي من وراها مطاليب
وأرجع وخص الحفل واللي مشابه
في حلت العواد نعم المعازيب
ساس الصخاء ساس الظفر وذرابه
يشب واحدهم على الطيب ويشيب
تقول واحدهم مفصل ثيابه
على قياس اهل المراجل بترتيب
ولصاح واحدهم وذب العصابه
شبت من الطائف لمركز نويصيب
من ساس شيخ(ن) سعد منهو غزابه
ويهيب سباع الخلاء واي تاهيب
شلفاه لمنه تنخاء رمابه
منشابها بين النحر والتلابيب
ومن السخاء يقسم لضيفه زهابه
يوم السنين الممحلات المجاديب
عواد نجمآ بالسماء يكتدابه
كن المدايخ يكتبله مناديب
عسى على قبره تهل السحابه
وتشرب ترابه من المزن تشريب
ولا مات من عقب عيالن تشابه
جدودها ماهي سلائل قصاصيب
والشيخ ضيف الله يجي بانيابه
في منزلة جده عطيب المظاريب
ياعل يفداه الردي والزلابه
حرآ شهر في شامخات الشناخيب
يشبه لجده بالفعل في شبابه
لو يختلف في مشيته والمناكيب
سيفآ مخظب بالفعائل جرابه
ويعيب كفوف المعادين تعييب
كنه جبال النير طلق الذرابه
مزبنك لــ هبت سموم ولواهيب
سلام ياشيخن عزيزن جنابه
فخرآ لربعك ياحصان الاطاليب
الضيف في دارك ينال الرحابه
ودلهه عن عزوته والاصاحيب
اسمك فخر لــ اهل الشعر والكتابه
ماهو بزئف اهل الحيال والاكاذيب
ياحي من ديره وياحي لابه
الاد روق مطوعين الاصاعيب
ماقلتها لي من وراها طلابه
ولا جيت الدور من وراها مكاسيب
وكل القبائل نعم والطيب مابه
حكرن على بعض اللحى والاشانيب
كل(ن)بدرب الطيب يتعب ركابه
على ختلاف الديارهم والمناسيب
والمعذره ونكان قافي بدابه
زله ولابه شخص كامل من العيب
صلو على محمد وباق الصحابه
اعداد ماتشرق به الشمس وتغيب

الشاعر زاهي بن صالح الشمري