تغريدات تويتريه ( 1 )

[ابو فايح]

وجهة نظر خاصه


** بعض الاصدقاء لا جمال للحياه بدونه مثلما انه لا جمال للمحاوره بدون حبيب العازمي
وبعض الاصدقاء الحياه بوجوده جميله ولا تختلف بغيابه مثلما ان المحاوره جميله بوجود ابن شايق ولا تختلف كثيرا بغيابه


** كم من مردود بلا جهد وكم من جهد بلا مردود

مع فارق التشبيه الشاعر تركي٢٠٠٠ واللاعب سعد الحارثي هيلمه اعلاميه وجماهيريه والجهد عادي

مع فارق التشبيه ووصل العطياني وناصر الشمراني جهد كبير وابداع وامتاع ولكن اعلام وجمهور قليل جدا


** شعراء الجيران مؤثره فيهم فوبيا الشنب !! تقليد في كل شي الشخصيه وإلقاء البيت والحركات أمام المايك وتركيب الأبيات ولذا عشر سنين ما شفنا أحد !!


** يقولون وصل له خمسه جيوب لكزس عوضا بعد الحادث أحاول أصدق!!


** يقولون الشاعر ( نعومي ) سلك طريق غير المسلمين الله يرده !!


** بعد فشل خيمة الطايف في كسب الجمهور تم افتتاح خيمه في مكه لعل وعسى!!


** بعد ضغوط قبليه ابو المواويل الأقدم سيقاطع ابو المواويل الأحدث !!

** بيت لوصل العطياني يساوي مئات من قصايد الحكمه التي ملئت الإعلام

الواحد اللي لا حكيم ولا كريم ولا شجاع ** مفروض يعطي ثوبه الحرمه ويلبس ثوبها

**يعجبني حضوره الشعري وصوته فالميدان ولكن كأن به (خفه) زايده ربما لحالته الصحيه السابقه تأثير


** الله يشفي بخيت السناني مشتاق لإبداعه الشعري


**من عجايب وقتنا الأخير الفنان / محمد عبده يغني في منقية نايف بن عشوان الله يا ابو نوره صرت تعرف علوم قبااايل ههههههه

[مجري الهياب]

المشاركة الأصلية كتبت بواسطة ابو فايح

** شعراء الجيران مؤثره فيهم فوبيا الشنب !! تقليد في كل شي الشخصيه وإلقاء البيت والحركات أمام المايك وتركيب الأبيات ولذا عشر سنين ما شفنا أحد !!

ههههههههههههههههههه


كل التغريدات كوم وهاذي كوم لحالها


مبدع يابو فايح ولاتحرمنا من ابداعاتك المعهوده

[راشد النفيعي]

ابو فايح

شكرآآ لكـ من الأعماق فأنت مبدع بكل ما تعنيه هذه الكلمه

تغريداتك هي حقيقة واقعنا اللذي اصبح يحمل طبله وراح يطبل مع المطبلين وهو يقول


مع الخيل ياشــــقـــــراء

[ابن عتيبه البار]

الله يرد ابو نوره للصواب

ويشفي بخيت ويعافيه ويعووود احسن منه سابقاً

ومبروك عليك الانضمام لمعشر المغردين متأخرً ي مبببببدع

[منصف في زمن الظلم]

وجهة نظر
ولكن الظليمه للبعض ماتجوز
والتهويل للبعض ما تجوز
واتوقع ان غلب الشعراء الكبار لا ينظر لما يكتب ولما يقال
يعني الذمه من الذمه بريئه

[عزارم]

أبو فايح غرد في المنتدى لقبيلة عتيبه فلا تستغربن في أيامك المقبله مايثير تعجبك !!!!


ههههههههههههههههههههههه



يالربع كل يغرد لعيون ابو فايح خخخخخخخخخخخخخـ

[فهيد الايدا المورقي]

ابو فايح لاهنت على التغريدات الجميله


تحيتي

[الرحاال]

ابوفايح الله لا يهينك المصابين بفوبيا الشنب كثرو وبالاخص عندنا بالرياض حاول تنصحهم بفوبيا اخوه المطوع ههههههههههه

تقبل تحيااتي

[أحمد المويعزي]

لاهنت يابو فايح ويعلم الله اني من اشد المتابعين لك واحترمك اشد الاحترام


ولكن هذه ليست من الاخلاق السب والشتم بالاشخاص

المشاركة الأصلية كتبت بواسطة أحمد المويعزي

أبو فايح حنا عرفناك محلل وتأتي بالمحاورات النادره والف نعم والله..
لكن ذا المجال واضح ومكشوف للجميع وأجزم مصيرك تتركه <<<<وجهة نظر..

اعيد كلامي مرة اخرى مصيرها مصير ما قبلها من مواضيع

http://www.otaibah.net/m/showthread.php?t=129414


http://www.otaibah.net/m/showthread.php?t=129544


وجهة نظر خاااصه قد اخطيء وقد اصيب
وشكرا للجميع

[سهيل 1]

مع فارق التشبيه ووصل العطياني وناصر الشمراني جهد كبير وابداع وامتاع ولكن اعلام وجمهور قليل جدا



الله يسامحك يا أبو فــــــايح !

حرام تشبه الشاعر المبدع وصل العطياني .. بالشمراني !

ما فيه وجه للمقارنه بالمره .....

ونحن جمهور الشعر مقدرين جهد وصل العطياني الذي يقوم به ....

وباقي الدور عليكم في المنتدى ... لإبراز محاوراته وقصائده الجميلة .....