ياسلام الله عليكم

[راشد النفيعي]

ياسلام الله عليكم يالرجال اهل الشهامه=يالرجال اللي تحج البيت وتزور المدينه
مانبي شاعر يخبط الصدر ويشيل العمامه=ون نشدته قال مدري ونشدو عني جهينه

[صامل العصيمي]

ارحب ارحب ونتشرف بالرجال أهل الزعامة = جاتنا بأرزاقها فوق السرية بالثمينة
السماء زرقاء ولا فيها سحاب ولا غمامة = والقمر والشمس تبدي للعيون وللمدينة

[راشد النفيعي]

يالعصيمي من يحاسبني قبل يوم القيامه=من يحاسبني على ذنب العجوز اللي حزينه
صاحبي وده يصافحني وصفره في حزامه=لوضحك معنا بعد بكره تسمعنا ونينه

[منصر الناصري]

الله الله ياسلام عليكم صح لسانك ياراشد وصح لسانك ياصامل

[صامل العصيمي]

مشكلة لو كان ماتعرف حلاله من حرامه = ماتجيب إلا الجزيلة ماتسيب إلا المشينة
الرجل وده بخير وشكتك فيها علامة = احسن النية ياراشد لاتشيل المستهينة

[راشد النفيعي]

الجمل يهدر بعد حطيت يدي في سنامه=مادرى انا بالحمول اللي ثقيله محتزينه
لاتصدق واحد جاك بغصن ولا حمامه= العرب حدت عليك السيف ورهت في سنينه

[جناح ايسر]

صحت الالسن والقلوب واصلوا وانا متابع

[صامل العصيمي]

الجمل وده يشيل الحمل وآقوّد خطامه = عايزٍ حملٍ ثقيل ولارضى واحد يهينه
والله إنا نعرف الديكة مهي مثل النعامة = والعتيبي يعرف الطالة وسيفه في يدينه

[راشد النفيعي]

ما لقينا الورد يزرع فيك ياوادي ثمامه=مالقينا كود فارس قابض السيف ابيمينه
والله انا نعرف الفارس قبل نسمع كلامه=ونت راع الطايله تشهد على جدك سنينه

[صامل العصيمي]

راشد النفيعي

صح لسانك وبيض الله وجهك

تشرفت باللعب معك

وختامها مسك يالغالي

لا عدمناك