محاورة عبدالحميد الفهمي + فالح الغنامي

[نبض الكلام]

قبل عام ونيف انتهت مسابقة شاعر المعنى وكانت الثمرة التي جنيناها أو جنتها المسابقه ظهور شاعرين الابرز على الساحه بلا نزاع ربما لم يخدمهم الحظ في الظهور من قبل أو أن الاعلام ظلمهم ولا أنسى اللقاء الذي أُجري مع الشاعر الشاب القدير/ابراهيم الشيخي عندما سُئِل عن الشعراء المهظومين اعلاميا فنطق بشهادة الحق قال ( عبدالحميد الفهمي وفالح الغنامي ) حينها لم أكن أعلم ولم أشاهد أي محاوره للشاعر فالح الغنامي ولكن من خلال مسابقة شاعر المعنى أيقنت أنه شاعر كبير ومنيت نفسي حينها أن يلتقي عبدالحميد الفهمي بفالح الغنامي كونهما عملاقان وانا أطرب للعمالقه ولكن لم تتحقق أمنيتي على مدى عام ونيف الا يوم الخميس الماضي الموافق 5/6/1433هـ عندما إلتقيا بمكه المكرمه ودارت بينهم ثلاث طواريق أنقل لكم الطاروق الأول

عبدالحميد الفهمي
يا مرحبا يا هلا ترحيب وافي يشرح البال = ينعد بإسمي وبإسم الشيخ ناصر والقبيله
يا فالح انا ادري ان الشمس ما تحجب بغربال = حقيقة ما تغير بين يوم وبين ليله


فالح الغنامي
دام البقا يالرجال اهل الوفا رجال رجال = إنيابة عن جميع اهل المكارم والفضيله
اليا بدا دون وجه الشمس عج وبرق واخيال = يمكن تشوف المخيله بعدها ينشي مخيله


عبدالحميد الفهمي
مادام حليت في حلة فهم علم ويش الحال = اليا عرفنا الموكل مابلشنا مع وكيله
اثر الجليله لها عند البدو تقدير واجلال = الجاهليين لازالوا يجلون الجليله


فالح الغنامي
انا عيوني مطاولها سهرها أيام واليال = لكن ما أسهرتها مع قصة العين الكحيله
مادامك أمقيم ماشددك من ديرتك رحال = وان كان صعبت عليك انحلها بأهون وسيله


عبدالحميد الفهمي
لا باس ياصاحبي ما يسهر الا حارس المال = والا هل الدين والا راعي الكبد العليله
اللي جهتنا يزرفلها نرده بأم زرفال = واللي جهتنا انتهت واللي جهتكم مستحيله


فالح الغنامي
الظاهر أنك حصرت الناس بين أصناف وأشكال = لكن ياكبر حضك يوم ترقد كل ليله
تقصر طوال اليماني عن يمينك كل ماطال = وان كان قصرتها سلم على اليمنى الطويله


عبدالحميد الفهمي
يا اهل القوانين للقانون سلبيات وأفضال = أنا مقدم دليلي مير فالح ويش دليله
حنا نقول احذروا لاتفسد النيات الأعمال = كلمه خفيفه ويبدو لي نتائجها ثقيله


فالح الغنامي
أنا أقدر أصنع لك أفكار جديده وأصنع أمثال = وإلا أنت ما تقبل الا المعتبر حطه وشيله
نظام حافز عطى روس العرب مصروف عمال = وأهل المشاريه ماترضيهم الأشياء القليله


عبدالحميد الفهمي
ياللي صنعتم رصيف الشمس حطوا للبحر جال = يوم الديار البعيده ما يصلها الا الاصيله
يا وقت ياوقتنا كم فيك من طيب وبطال = الظاهر أبو نقا يابا يجيله سقم جيله


فالح الغنامي
لولا التغير ماشفت الناس من حال ليا حال = اليوم حرب المدافع بعد حرب أم الفتيله
اللي يغرس النخيل وينتظر لأثمار وإظلال = أموت ما أخاشر العصفور في ثمرة نخيله


عبدالحميد الفهمي
اللي يضيقون من لبس العقل ماهم بعقال = كان أنكم من هذا التيار مافيكم عقيله
تقولها وانت ماحصلت منها ربع مثقال = ادخل على الله من تدمير الأفكار الدخيله


فالح الغنامي
أبو الحصيني بغى غصن العنب يوم العنب مال = لكن عظامه قصيره والقصر ما معه حيله


مودتي لكم جميعاً