الله على نعمة النسيان

[عثمان الثبيتي]

البارحه يوم نومي حـــــان = عيـت عـيوني تهنــــــــابه
قضيت ليل العنا سهــــران = والقلب الاحزان تنتــــــابه
خلًي على شوفتي شفـقــــان = وانا ايضاً اموت بتــــرابه
مرسل رسالة عتب زعلان =يقول ياهاجر احبــــــــــابه
المغرم الهايم الولهــــــــان = متى الوصل منك يحضابه
مالك عذر تعرف العــنوان = لاتختلق عذر مرضـــــابه
وانا منه محرج وحيـــران = اكيد ما استحمل اعتـــــابه
سواله يدور بالاذهــــــــان = عجزت لا القاله اجــــــابه
ودي بشوفته مهما كـــــان = مير المقادير غــــــــــلابه
امربيته وانا عجـــــــــلان = واعود مطرق جرس بـابه
خايف من وشاية العـدوان = اللي يقولون وش جــــــابه
نطلع حكايه بكل الســــان = هذا الذي حاسب حســـــابه
لابارك الله بالحرمـــــــان = اللي تعبنا من اسبـــــــــابه
الدمع يكتض بالاعيـــــان = والقلب سهم الهواء صــابه
والبعد هم وقهر واحــزان = والوصل نعمه وتحيـــــابه
اقلوب ماتت من الهجران = ويعالج قلوب منصـــــــابه
الله على نعمة النســـــيان = بعد العناء تعبت اركاــــــبه
اتريح المحرج التعبـــان = والنوم عينه تهــــــــــــنابه

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه