في الارهاب \\ لا تــورط بـالرياض

[منصور الحمادي]

لا تــورط بـالرياض

العقـول اللـي تغـذى فكرهـا مـن نــاب حـيـه=
والقلوب اللي على ذبح المسالـم هـي جريـه=
والرجـل لـو مـا يزهـب للوحـوش البندقـيـة=
فتنـة بثـت شـراك السـم فـي وســط البـريـه=
الله أكـبـر كــم تجرعـنـا سببـكـم مــن أذيـــة=
تحسبـون الديـن كلـه بــس تنظـيـم الخلـيـة=
تنـزف الأمـة جـراح وتصطلـي منكـم صليـة=
لـيـن لطخـتـو ثـيـاب الـديـن بــارواحٍ بـريـة=
جاهـلٍ فجـر حياتـه واصبـح الديـن الضحيـة=
خارجٍ من سنة احمـد مثـل سهـم مـن رميـه=
غاسـلٍ مخـك خبيـثٍ مضمـر لـك قشـر نـيـه=
لكن اعـرف مـن تجابـه قبـل تنـوي بالرديـة=
بيـن شعـب كـل حـاكـم وده أنــه لــه رعـيـه=
إن عطيـنـا مــا نـمــد ألا ثمـيـنـات العـطـيـة=
بـس لا مـنـا وقفـنـا نـرجـف عـقـول سـويـه=
كــان قـصـدك فكـرنـا حـنـا محجـتـنـا نـقـيـه=
وكان قصـدك بالسـلاح وبالزنـاد وبالشظيـة=
وكـان قصـدك محـرقٍ قلبـك وزيـر الداخليـة=
قلتهـا وافهـم كلامـي كـان فـي عقـلـك بقـيـة=
لا تــورط بالذيـابـة وأنـتـه لحـومـك طـريــة=
والقلوب اللي على ذبح المسالـم هـي جريـة=
والعقـول اللـي تغـذى فكرهـا مـن نـاب حيـة=

منصور الحبيل الحمادي

[مرزوق حمدان العتيبي]

...
صح لسانك يامنصور
والله يهدي ضال المسلمين..
ويحمي هذه البلاد واهلها .. من عبث العابثين..
كل الود

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ناصر بن محمد العتيبي]

صح للسانك

يالحبيل وبيض الله وجهك

والله يحفظ دينا ووطنا


من كل ظال وجاهل


لاهنت يالنشمي


اخوك

[((الدلبحي))]

صح السانك وعسا الله يحمي وطنا من كل مكروه

تشكرمنصور الحبيل الحمادي

تحيااااااااااااااااتي

[فيصل المسعودي]

صح لسانك يالحمادي قصيده جميله ومنقول الاعسا الله يحمينا من شر من فيه شر لنا وللأسلام والمسلمين تحياتي .