الصاحب اللي

[الشيخ فارس]

الصاحب اللي محتزيني للافراح

ويـزعـل ليا مـنًي تـغـيـًبـت عـنـها

ويـقـيًـم الحظـوات بارفود الارباح

والواجب اللي يزهمه في كفنها

صللا عليه وقـال يـاهـقـوتـي راح

معمي وحب النفس مجنا هجنها

لافـرق عـنده بالصـداقه والاتراح

ولاهو مـفكر في دواعي سدنـها

واللي حداه الوقـت ماهو بمرتاح

نفسه وصـدقـانـه كئـيـب ن لحنها

وانكان بقليبه من الحـب ضحضاح

سفـه المـجـاهـر مـايـعـبـر ثـمـنها

اعـصـار جـو المـعــنــويـات سبًـاح

من سافي اتراب المجاهر دفـنها

في وقتنا اللي صاريغتال الاصلاح

من نـاس سلـوتها دواعي زمـنـها

يـقـلون وين افـلان لاصار مسناح

مثـل الهـنـوف اللي تـفـقـد مجنها

في بيتها لاحول في صورة اشباح

ول اعيون حفل الناس هـزًة بدنـها

وياصاحبي للنفس مضواومسراح

بين القسى واللين مبـنى وطـنـها

النفس يرضيهامن الشوق مسباح

يشعى سلامـتـهـا ويـجـبـر وهـنـها

واللي بعـيـد الدار ماعـنـده اجـنـاح

ومــؤثــراتــه والـمــوانــع خــمـنـها

ايقال غـايـب خـيـر من ضبـح ونبـاح

واعـيــون غــمًــازه للـمــزة لـسنـها

واقـبـح زهـوم الناس كاذب ومـدًاح

اللي على الوجـهـيـن قاني رسنها

لو جـلًـهـا بـالضـحـك سارق ومـزًاح

بـاخـن مـرافـيــده و غــيـره بـخـنـها

وانا على ضـوح المـضامـيـن مرتاح

نـفسي مـوقـرهـا وعـارف سنـنـها

والـواجـب الاصـلي ليا قـيل ياصاح

جـزعـه و فـزعـه والصـداقـه زبـنـها

وقت الزهوم اللي يقلدني اوشاح

حـالـة وفــاء و حـافـزي صـار مـنـها