حي ٍ قديم ولا بقابه مقيمي؟؟

[العصيمي مشعل]

ابيات من ارشيف الماضي واقول فيها:ـــــــــــــــــــــــــــ

حي ٍ قديم ولا بقابه مقيمــــــــــي=غير المنازل والشوارع وضمهـــا
في ما مضى فيه الكرم والكريمي=وفيه الشرف والعز بصمه رسمهـا
سكاّنه اللي خطهم مستقيمـــــــــي=طوق ٍ عليه من السّموم ونسمهـــــا
من كان به في الوقت هذا عديمـي=يا قل مابه والعرب من شيمهــــــــا
واليوم فيه أدوج كني سقيمــــــــي=تلعبي الذكرى وحالي سقمهــــــــــا
حب ٍ سقمني سَقم وفيه تحطيمـــي=واحرق ضميري والمشاعر هدمهــا
هجران منهي للمواصل غريمــــي=ما مثلها في الكون وطـّة قدمهــــــــا
هاك الليالي شوفها مستديمــــــــــي=امرها واشوف حتى قلمهــــــــــــــــا
إصغيرة ٍ بالسن شقراء وسيمــــــي=رمز الحضاره والثقافه سهمهــــــــــا
تاج ٍ لها مع زود علم تعليمــــــــــي=اعلى مراتب علم عدّت قممهــــــــــا
في العاصمه تذ ّكر بلبس ٍ حشيمــي=وميل الدهر لبدله قد ظلمهـــــــــــــــا
أكيد قفت والرجاء للعقيمــــــــــــي=من يطرد المقفين عض بندمهـــــــــــا
هذي ثلاث عقود كني يتيمــــــــــي=مكسور خاطر من رجاوي رخمهـــــا
حبل الرجاء مقطوع والحض نيمي=قسى عليه والجميله لطمهـــــــــــــــــا
لا والله اللي وقعت في الصميمــــي=أسهوم تال الوقت فينا نظمهــــــــــــــا

الشاعر/مشعل بن صنت ا لعصيمي

[قيس العازمي]

صح لسانك يامشعل



ثلاث عقود الله يعينك



تقبل مروري

[محمد الذيابـــي]

..

صح لساااااااانكـ يامشعل,,



قصيدة جميله كل الشكر لكـ...

التوقيع

التوقيع محمد الذيابـــي