قصيدة في الشيخ/ سلطان محمد العليمي شيخ قبيلة الريحات من البقوم

[راع الحجبا]

في عام 1428هـ أجرى الشيخ سلطان محمد العليمي عملية جراحية تكللت بالنجاح , وأقامت القبيلة احتفال بعد خروجه من المستشفى سالما معافى حين ذاك سائلين المولى عز وجل أن يديم عليه الصحة والعافية. وهذا ماقال الشاعر / ساير بن زبار الرياحي .

الا يالله عفوك والرضا ياحي ياقيوم = ولابه غيرك احد نطلبه ياعالم الغيبي
لك المظلوم يرفع دعوته ياناصر المظلوم = وعبدك في رجا يارب تحقيق المطاليبي
قسمت الرزق بين الخلق ذا معطى وذا محروم =عطيت ومن عطاياك الجسيمه سترك العيبي
وحنا ياوسيع المغفره راضين بالمقسوم =عقيده فالقلوب ولا دخلها الشك والريبي
الا ياهاجسي ما بيني وبينك عتاب ولوم = نويت اسري معك ياهاجسي من وين تسريبي
من الفرحه عيوني البارحه عيت تذوق النوم =وقلبي من سببها عذبه جر المساحيبي
وطلعت القلم باكتب على بيض الورق منظوم =عجزت اكتب ورديت القلم في داخل الجيبي
انا ابغى لا كتبت يكون شعري واضح ومفهوم = وبيت الشعر وزن وبحر والفاظ وتراكيبي
سرى ليلي مع الهوجاس مر اجلس ومر اقوم= اهندبب والضمير يصيح من زود الهناديبي
ولا يامل قلب يلحقه حزن وشقى وهموم =لياغنى وجر الصوت ناصر بن تراحيبي
وهذا اليوم كوم وباقي الايام عندي كوم =وانا معزب وارحب بالضيوف وبالمعازيبي
هلا يامرحبا ترحيبة برق ورعد وغيوم = على روس الرجال اهل الوفا واهل المواجيبي
تراحيبي عدد ماتطلع نجوم وتغيب نجوم = هلا باللي حضر من ربعنا واثني تراحيبي
هلا حييت يا شيخ القبيله يازعيم القوم =هلا بك عد ماجر العوا ذيب المراقيبي
عسا عمرك طويل وعشت ياسلطان يوم ودوم =لعل العافيه تغمرك ياعطب المضاريبي
ترى حبك ثبت وسط القلوب ولا عليه رسوم= نحبك يشهد الله مثل حب الزيز لكليبي
يدك مديتها بالطيب والمعروف يازيزوم =وانا ماني من اللي ينكر المعروف والطيبي
تغشاك التواضع للصغير وللكبير تقوم =وتسعى خلاف مطلوبه ولو مطلوبه صعيبي
حكيم الراي حلال العقود مزبن المضيوم = تحل المشكله بسياسه ومنطق واساليبي
ليا بتيت رايك مانخالف رايك المجزوم =وراي دون رايك ما حسبنا له عواقيبي
واذا صار الهدف يا شيخنا في خاطرك مرسوم =نجيبه لابغيته طيب والا بالمشاعيبي
ورجل مايقدر هيبتك فالمجلس المحشوم =يعقب مثل تعقيب الملك لمعمر الليبي
اذا هي بالعزايم فانت بالشده قوي عزوم =سندنا ياسندنا فالشدايد لا عوى الذيبي
وحنا ربعك الريحات لا جا فالعلوم علوم =نعصب الروس دام النار في روس المشاهيبي
نوردها على حوض المنايا والقدر محتوم =وناطا ماتهاب اقدامنا جمر اللواهيبي
نقدر من يقدرنا وفي وجه الخصوم خصوم =ولا نشرب لك الله غير من عذب المشاريبي
تدور ابنا دواليب الفلك في كل ليل ويوم= وسبحان الذي بيديه دورات الدواليبي
انام وكل مانمت يتوارد فالمنام حلوم = على ذا الحال صبح وليل تصبحبي وتمسيبي
تخاطفنا من سهوم البشر في كل عام سهوم =ويهل الدمع من فرقا الاهالي والاصاحيبي
وكم من عبرة رديتها لا وصلت الحلقوم = ثمان اعوام تكويني على جرد المحاديبي
الا ياقلب عز النفس عن بعض الكلام وشوم =واخذ عبره من اهل المعرفه واهل التجاريبي
ترى ماعاد فيها لاوصلك الموت حب خشوم =مخاطيف انتزاع الروح في روس الكلاليبي
تذكر يوم ينزل صاحبك في قبره المعلوم =لحاله في دهاليس اللحد تحت الطواليبي
اذا ما كان من رحمة عظيم المغفلره مرحوم =اكيد يذوب جسمه من عذاب النار تعذيبي
وصلى الله على خيلر العباد محمد المعصوم =نبي يذكر اسمه فالمآذن والمحاريبي
بعد عم الجهل في دوس والأوس وبني مخزوم= نزل جبريل فالغار وعطاه ازكى المكاتيبي

[عايض جزاء العصيمي]

صح لسانه

وبيض الله وجهك ياراع الحجبا

[فيصل مطر]

والنعم بالرياحات البقوم وبقبيلة البقوم عامه
وباالشيخ سلطان العليمي
وصح لسان الشاعرالقدير/سايربن زبار
قصيده جزله وفي حلها ومن شاعر لاتستغرب عليه الجزاله
ومشكورياراعي الحجباءلاهنت على الايراد الاكثر من رايع ولاكن اعتقد
انه لايصح وضعهامع قصايدالاعضاء
الايذا كنت انت الشاعرسايرنفسه
وتقبل مروري وحياك الله

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[محمد الذيابـــي]

,,



صح لساانكـ


ياساير بن زبار الرياحي,

التوقيع

التوقيع محمد الذيابـــي

[راع الحجبا]

ووجهك ابيض اخوي عايض وصح بدنك وأشكر اخوي فيصل على هذا الاطراء الرائع والله لا يهينه وأنا لست بساير ولكن ساير يعتبر أخي لأني من المعجبين بشعر هذا الرجل وفقه الله ....وأحب ان اقوم بنشر شعره في جميع المنتديات وخاصة منتدى قبيلة عتيبة الهيلا الشااااااااااااااااااااامخ .....

[راع الحجبا]

صح بدنك اخوي محمد والله لا يهينك .....