كتبتها والنـاس تقــرا المكـاتيب ... وغنيتها والكـل يسمع صداها

[حمود غنام المرزوقي]

كتبتها والنـاس تقــرا المكـاتيب = وغنيتها والكـل يسمع صداها
وجنبـتها درب المناقـيد والعـيب = ورفعتها حتى ارتفع مسـتواها
لو ان كل(ن) قـادر يكسب الطيب = ما صعبت السلع على من شراها
ولو ان ما يوجـد عيوب وعذاريب = كل(ن) على وجه البسيطـة تباها
كم واحد يمشي على غـير ترتـيب = يرمـي بها واللـي يباها يباها
وكم واحد يخطي مع الدرب ويصيب = لو هو تمعن خطوته ما خطاها
لكـن انا جنـبتها الشـك والـريب = وأعطيتها من غير منّ لعطـاها
أعطيـتها قلب(ن) مثل تولهّ الطـيب = وأعطيـتها فكري وعيني وماها
وأعطيـتها تاريـخ كـله تجـاريب = يحمل مصابيح السنين وغلاها
أحيان أدربها علـى السر تـدريب = وأحـيان أعـممها وأدقق ورآها
لكن ليا ضـاقت دروب المشـاريب = أبجد بها البيدا ولا أحسب شقاها
أسريبها وارد مـثل مارد الـذيب = حـتى أوصلـها إلـى منـتهاها
لها على المبدع حقـوق ومواجيب = لكـنها ياحـيف يبحث خفـاها
دايـم سوات الضيف عند المعازيب = وعن الغثاء والغث تقصر خطـاها
في ما مضى ترقا بروس المراقيب = يسعد مساء الشاعر ويسعد مساها
ويوم صارت الأجواء سموم ولواهيب = تعمس عيون أصحابها وصدقاها
رفعـتها فـوق النجوم المـراقيب = وسـقيتها حـتى تبـدد ضمـاها
مفتاحها بين الضـلوع المحـاديب = وأسـرارها ما كل واحـد قـراها

حمود غنام المرزوقي

[غالب الذيابي]

.
.
.
.



صح لسانك يالمرزوقي ، قصيدة ماعليها كلام.

صح لسانك مرات ومرات.
.
.
.
.

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

[أبو مرحبا]

قصيدة رائعه

صح السانك مدد بلا عدد

تقبل مروري

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[محمد العتيبي]

يامرحبا يالمرزوقي



صح الله لسااانك على هالرائعه التي امتعتنا بقرائتها ..




تحيتي لك
..

التوقيع

للتواصل عبر twitter تويتر al_bargawy@

[سعود بن سعد الحافي]

صح لسااااااااانك يا حمود

ولاهنت على القصيدة الطيبة

***********

[علي الثبيتي]

صح لسااااااااانك يا حمود

ولاهنت على القصيدة الجزله

التوقيع

ماني بلا روقي ولا برقاوي = انا ثبيتي جد روق وبرقا

[معلا إبراهيم الأسعدي]

رفعتهـا فـوق النجـوم المراقيـب
وسقيتهـا حتـى تبـدد ضمـاهـا
مفتاحها بيـن الضلـوع المحاديـب
وأسرارها مـا كـل واحـد قراهـا



صح لساااااااانك وبيض الله وجهك.. على الكما والجمال قصيده مكانها صدر المجلس

التوقيع

[عبدالله الجـــذع]

صح لسانك يابو مرزوق

قصيد جزل ماشاء الله تغرف من بحر



محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[الــوآفــي]

جزل يابو غنام


متعودين ومستمتعين ومستفيدين


صح ابداعكـ

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[محمد الحميدي]

نظم فريد
لاهنت
على
الابداع
لقد
اطربتنا
شكرآ

التوقيع