قصيده نادره للشاعر 00عوض بن غالب العتيبي رحمه الله0

[وثاب]

هذه القصيده الرائعه للشاعر :عوض بن غالب ومسندها الى صديقه

فرحان بن صبيح الرويلي00

وقد كتبها رحمه الله اثناء رحلته العلاجيه في أمريكا وقد شده الشوق

والحنين الى أحبته وأصحابه00

وإليكم الابيات00

ياراكب اللي توصل الخط راعــيه (=) من سـابقات الــصـوت شــغل الـنـــصارى
ركــابــهـــا ســمــاعته فوق أذانيه (=) من يـم قـاعـدته تــجــيه الخيارى
والــخــارطه منشوره بين أيــاديه (=) يمشي عليــها لـــيل ولا نــهـــارى
يـسرح من الغربي بخط يــــوديه (=) مـكـتـوب رمــزه بالحـروف الـكـبـارى
ومطار أبو فيصل لياراح يمسيه (=) ممنوع مـا يـقـع بــغـيــره مـــطـارى
ولــيــا نــزلـت ألــخط وصــله أهاليه (=)الهم على ظـرف الـرسـاله أشعارى
رمزالمحـــبه بينات مواريه (=) حــب الشـــرف ماهــوب حب العـــذارى
ملفاك أبويوسف عسى الـسو يخطيه (=) تـلقــاه بالمــجـــلس بجنب الوجاري
يــشري البن الخضر من مجانيه(=)0 وللحاضـــرين يطــعــمه بالبهارى
وماريته تلقى الشحم في صيانيه (=) صــينــيته ومبارياته تـــبــــارى
ومقوم دينه ونصرة عوانــيه (=) ومــوعـــود راع الديـــن بالانتصارى
وغيره طويل ذراع سلمن اياديه (=) حر ليا هــدوه جــاب الــحــــبارى
يفدونه اللي ماســعوا في مساعيه (=) تـراكــت الواجــب سمان العذارى
الي رفيق وفي الطرائق مصــافيه (=) وأنا بـرفـقـتي أحـسن الاخـتيارى
ود السلام وخص بيــته ومن فـيه (=) رديـه مـثل العــسل في الوكـارى
وقله ترا سلمان ماهـــوب ناسيه (=) دايم يــجي طــاريـه يوم انتـطارى
لكن صوت الشيخ ماعــاد نوحيـه (=) وش ذا البــطى يالشيخ جعلك مجـارى
وقله ترا ان الشر زالت شــكاويه (=) راح الشــقاء والخــير بالانتــظارى
أحياني اللي مــيت القشع يحيـيه (=) والله كــتبــني من طوال العمـــارى
أذن وأصلي وأضمر الديــن وأبديه (=) وأقرا كتـــاب الـّله بــين السكارى
أنصح به الكافر عسى الله الرب يهديه (=) ولـن مااهـتدى لــلدين جعله دمارى
والشكر لله لين بالشــكر نرضــيه (=) فـتاح بيــبان الفــرج لـلـحيـارى

رحم الله الشاعر عوض بن غالب وأسكنه فسيح جناته00

وسوف أورد رد الشاعر فرحان الرويلي لاحقا بأذن الله تعالى0


محبكم : وثاب الاسعدي (الزلفي )