بين الرجا و الياس في حكم الحقير ابن الحقير ,,! محمد طلال العتيبي

[عبدالمجيد العطاوي]

,,

يقال ان الشعر اما هيض او غيض ,,
فـ حبيّت ان انقل لكم غيض نبع من مشاعر شاعر مسلم وعربي تجلىّ بقصيدةٍ اقلّ ما يقال عنها انها سبائك ذهب ,,

,,

لجروحنا من سالف الذكرى سعير وزمهرير=والناس ما عادت تطيق الناس لجل افراقها
موضوعنا ذا اليوم غير الحب ,, موضوعٍ كبير=العين تبكي من قهرها مابكت لاشواقها
ناس لهت عند الغنا ما همهّا ضلم الـفقير=كل ما تزيد آموالها كل ماتشين آخلاقها
وش صار فآلاسلام وآلامه على الوقت الاخير=وش ذالدمى اللي راقها بشار مع من رآقها
ذا ينَتهك عرضه وذا مأسور والثاني كسير=وآلطفله الفذه قبال الآم تم آحراقها
بين الرجا و الياس في حكم الحقير ابن الحقير=والسربه اللي قيّدت بالقيد ماجاء آطلاقها
وحنا ما بين مزاين الاذواد وآنتاج البعير=وعلى قناة الساحه العالم تعرض نياقها
دارٍ بها راعي الكنب ما لدّ في رآعي الحصير=وبنت الحمايل تبرم الاسواق مع سوّاقها
يارب نصرك يوم مال آخواننا غيرك نصير=آشرق على بشار شمس الصبح عكس آشراقها
لاكنّ يا من رآح ذا معقول يا خير الخشير=يالصاحب اللي وين ما الوجهه معي ما عاقها
آمنت في غدر الليال وما كتبْه الله يـصير=وان الحذيـه مرمسه داخل حمى بواقها
ياصاحبي ماقد ردع حدّ الشطير الا الشطير=وانا مانيب اللي ,, يبيع البيـضه لـ سلاقها
اعرف ترا المجنون ما قدّا على القبله ضرير=والنفس ما ترضا المهونه غير من خلاقها
من يوم باعدك القدر شفت الفلك جاء مستدير=والرعب شفته في البشر با أشكالها واطباقها
انا ادري انّ طول الندم عيّا يعدل في المصير=والناس لامرت عليها ناس حشّت ساقها
مير الخوي لامن نشا جنب الخوي وهو صغير=يشييب في ذكراه و النْخْلْه تقوم آعماقها
ابشّرك جمب السفينه يلطم الموج آلغزير=عامت آساطيل البحر بشـراعهـا ورواقها
ياراكب اللي لا اعلنوا ربط احزمـتها للمطير=إليا آستوت وارخت على كبد السحاب أشداقها
لاتلها خرّيجها من حين تأشير الخبير=واعطا علامة Good للطـيار قبل آطـلاقها
ما كنهّا الاّ حرٍ اشقر جاء لجنحانه نشير=لو شافته زرق الحباري ماترزّ اعناقها
ساعـة تأملت انطلاقتها على طول المسير=واستنزفت دمعي قفّياها بعرض أشفاقها
آيقنت با ان الوقت ما خلا عشيرٍ مــع عشيـر=وان البلاوي لاتـرامت ما وقـف تفّاقها
مير الحلا مايعرفه غير الذي ذاق المرير=ومن المحال ان البشر ترضي جميع اذواقها
الناس فيها ما يكفّيها من العرف الكثير=والسلعه اللي ماتجمّلني مااجي لأسواقها
حبر الذهب صبّ الذهب وانساب في سلك الحرير=وجفّ البحر في عرض كراسه وذاع أوراقها

الشاعر المبدع : محمد طلال بن بدر المقاطي العتيبي

[محمد الذيابـــي]

,,


صح لساااااااااااااانه

ولا هنت ياعبد المجيد على النقل الجميل.

,,,,,,

التوقيع

التوقيع محمد الذيابـــي

[سيف نت]

صح لساااااااااااااااااااااااااانه