مساجله بين محسن الزيادي و حامد حمدي النفيعي

[محسن الزيادي]

الحظ
اشهد أن الوقت جحاد الجميل ‍
ويش اسوي يوم حظي فيه مال
والله اني لابخيل ولاذليل ‍
ولاعلي اقصور من بعض الحوال
وأن وردة العد بالحبل الطويل ‍
وأن قعدت اعقد مقاعيد الرجال
وأن مشيت الدرب فالطرقه دليل ‍
و فخر بصحبة كريمين السبال
وأن هرجت الصدق مادونه بديل ‍
ولااطرد الهرجه ورى قيلاً وقال
ودي اخسر مايجيني من حصيل ‍
وسمعتي لا ماتثمن بالريال
مير أنا قبلي سبقني كم جيل ‍
يشكي حظوظه ولله الكمال
والعرب فحظوظها حطٍ وشيل ‍
كم سعيداً قام حظه ثم قال
مير حظي له زمان وهو عليل ‍
ضيع المكسب ويالله راس مال

محسن خالد الزيادي

@@@@@@@@@@@@@@@@@@@@@@@@@@@@@@

رد الشاعر حامد حمدي النفيعي

ياسلامي ريح بن وريح هيل ‍
كل ماصبوه من صفر الدلال
ما عن المقسوم يا محسن محيل ‍
لو بحثنا فاليمين وفالشمال
اتكل بالله وهو نعم الوكيل ‍
وعنز الدعوى على رب الجلال
خابرك شيال للحمل الثقيل ‍
يوم بعض الناس ما شال الثقيل
تلطم العايل ولا ظنك تعيل ‍
وتدحم اجنوب العرب مثل الجمال
من هل الناموس والبيت الضليل ‍
ومن مطانيخ القبايل والعيال
وعن سموم الوقت ماتلقى مقيل ‍
عندقومٍ لاحياه ولاضلال
لاتخيل البارق بعرض المخيل ‍
ولاتلفت للبروق وللخيال
يالولد خالد ترىحظي قليل ‍
مثل حظك بالقياد والعقال
أنا حظي مثل مشقوق الصميل ‍
والصميل اليا تشقق مايشال
لكن اني معترف بالمستحيل ‍
اضرب الكايد لتحقيق المحال
محتزم بالعزم والسيف الصقيل ‍
واسبح ابحور المراجل جال جال
جعل ربي يرحم الدار و تسيل ‍
ويغسل البيدا بسيله كان سال

الشاعر / حامد حمدي النفيعي