شحني

[غضاض الرويلي]

شحني على مايقسم الرب شحني

شوح الهبايب بالنبا للواليح


وإن جاك سدي هجمة السوق بحني ..

بين العواذل والوجيه المفاليح


سود الليالي كور والسيف محني ..

ولاعاد لي من عبد الايام تصفيح


نحني وانوحك نوحة الورق نحني ..

على لحن ملعون أبو خمدة الريح


وإن صحت لك في شايح الجال صحني ..

وتعال وأمكني عن القاع لا أطيح


وإن كان ماطعتك وانا إمطيع دحني ..

على المتون المثقلات المدابيح


ومحني على مزنن نشا إعصير محني..

وأميح أخيله مخطي إن كنت ما أميح


وأكبح لسلمن لو كبحته جمحني ..

عيا يطاوعني لدرب المشافيح


واليوم ورد اقرب عربنا لتحني ..

والله فلابي لأقرب الخلق تنشيح


ماغير أعدي بالطويل وذبحني ..

على رجا ياعقم الأوضاع تلقيح


والزود من بعض الهلايم قرحني ..

وانا بطرقي من غثايه نقاريح


غبقت وسعن بالمضيق اصطبحني ..

وبذرت معروفن ثماره تكاسيح


ولازلت رغم إن النوايا إنوقحني ..

سلكن جمع شمل الخرز للمسابيح




منصور حواس الرويلي

[محمد الذيابـــي]

,,


صح لساااااااااانه,,

التوقيع

التوقيع محمد الذيابـــي