ليا مني بغيت ابني بيوت الشعر وانظمها؟؟؟؟؟

[بدر غالي الصوينع]

هذه القصيد للشاعر / غالي بن شباب الصوينع الدعجاني
التي القاها في مزاين عتيبه


ويـــــــــــــقــــــــــــــــول فـــــــــــــــــــيهــــــــــــــــا

ليا مني بغيت أبني بيوت الشعر وانظمها = رسمت لعاشق الأشعر من جزلاتها صوره
واحسب حساب للمنقود وازنها واتممها = ابي لا قلتها قدام الفهيم تحرك شعوره
بدايتها التحيه من صميم القلب اقدمها = تحية شاعرٍ يمشي مع العالم ومنظوره
هلا يامرحبا يالابةٍ تعرف قدايمها = تنومسنا على طول الزمان ودورة اعصوره
وانا اطرب من بيوت الشعر واكلف وسايمها = وعطرها بريح المسك والريحان وزهوره
وأقدمها لا بو متعب زعيم العرب مقدمها = وقليل بحقه اليا قيل هذا الحاكم اسطوره
مشرفه الولي بيتينه الأثنين خادمها = تحت ظله بيوت الله بأذن الله معموره
هذا قايد دعاة الدين ومقوي دعايمها = ونفسٍ تعتزي بالدين بأذن الله منصوره
هذا منصف نفوسٍ ضايقات من ظلايمها = هذا عز البلد والشعب هذا درعه وسوره
هذا رمز الكرم والجود كل الناس مكرمها = هذا اللي مودع نفوس اليتامى دوم مسروره
مليكٍ يبني بيوت المعزه مايهدمها = حكيم بحكمته خلى العصى ماهيب مشقوره
مليكٍ يشتري الطالات ماقد قيل سايمها = ابليهي يرتكي للحمل لوهو فوق مقدوره
علوم الطيب ابو متعب على نفسه محتمها = تواضع للكبير وللصغير النفس مصخوره
مليكٍ يتعب العدوان ويبدد مزاعمها = سياسيٍ بعيد اشبوح وله فعول مخبوره
شجيعٍ مايهاب الموت والعدوان يفحمها = هذا الدكتور يوم ان الوطن يحتاج دكتوره
لشعبه طوع الصعبه وقيدها وخطمها = وعسفها للضعيف وقادها والكبد مجبوره
وله عضدٍ قوي لا مالت الحمله يقومها = ولي عهده طويل الباع في رايه وفي شوره
ولو اصخر بيوت الشعر في سلطان واحكمها = اقول المدح في سلطان دايم بيَن قصوره
ولو اشهد الحضار في قولي واذممها = انا ظني تقول الحق ماتشفق على زوره
عزيز النفس ضراها على العليا وملزمها = ظهر شخصيةٍ فيها الخصال الطيب محصوره
طلع حلو الجناب وخوته كلٍ يعظمها = وله كفٍ ندي من شبته ماهيب مقصوره
وحكيمٍ حجته لاجات ماخصام يخصمها = وقائد للدفاع ودايم في راس طابوره
وذهين ينقض حبال المعادي يوم يبرمها = هذا الحلحيل والحيال للي يرسل سبوره
هذا قائد فهود ضاريه لاحام حايمها = تقول الموت اخير ولاتعيش النفس مقهوره
ثرى هذا الوطن طاهر على العايل محرمها = يقول ارواحنا واموالنا للدار منذوره
معه قوت دفاعٍ صامده للقوم تدحمها = ولبيب للصديق وللمعادي كله خطوره
ونايف قائد القوات في الواجب مولمها = لمن ينوي العبث في بلادنا والنفس مغروره
قياديٍ بصيربحكمته دايم منظمها = عيونه ساهره والناس بامر الله مستوره
وله نفسٍ ولي العرش بالطاعات مطعمها = وله سطوه تنشب لقمة العاصي بحنجوره
وحكيم لاوقف للمعضله لابد يحكمها = تجيه مطاوعه تحبي على الكيعان مذعوره
وحشيم من زحازيح الرجال اللي نحشمها = جذبه العود بوصوفه عليه البيض منشوره
وشجيعٍ سل سيف الحق لين انقاد مجرمها = ويردد ياهل الارهاب قول الدار محذوره
وفيٍ في الخفايا يبذل جهود ماحد يعلمها = يبي كل الأمور لمن يجي بحماه ميسوره
ترى ال سعود عزوتنا ونفخر في تقدمها = طحاطيح على عرش الجزيره دوم ممروره
وبفتح صفحة التاريخ للعالم واعلمها = مئة عام مضت شوفوا نتايج فعل اخو نوره
بعد ساق الركاب من الكويت وجاء يدرهمها = مزهبها الرصاص وعلق القربه على كوره
معرضها المهالك مع صغر سنه وينهمها = صبر صبرٍ قوي مع قشر هاك الوقت مع جوره
اليا منه سرى ليله نجوم الليل نادمها = اسير للضما والجوع مير اتحده ضروره
يبي حكم الجدود ولا تطمع في مغانمها = ويبي ينقذ بلادٍ تحت حكم الظلم مغموره
رسمله خطهٍ ماكل رجالٍ بيرسمها = علم وفعوله اليا عدَو الشجعان مشهوره
وليلة خمس من شوال كل الناس تعلمها = بعام الف وثلاثميه وتسع وعشر مذكوره
هجد في ليلة ظلما الرياض وخاب ظالمها = وصبحها البشير بحكم ابوتركي وبظهوره
وخلاها هنوفٍ تذبح العاشق بمبسمها = تخطى في ثياب الغي ليلة بيَن احضوره
كحيلة عين ملهوفه حشى محدٍ بلايمها = بحب اللي نذر من شانها روحه ومذخوره
تولاها معزي يوم رب البيت سلمها = ووحد له قبايل من ليال الظلم منثوره
ورز الرايه الخضراء وجمعها وكرَمها = وقال كتاب ربي حكمنا نمسي بدستوره
وعم الأمن باطراف البلاد اللي تسلمها = وخلى الحر الأشقر مايهابه فرخ عصفوره
عساه بجنة الفردوس ينعم من نعايمها = مع الأبرار وعظامه من النيران ماجوره
وعشنا فالرخى والخير يوم انه تزعمها = وحنا اليوم نحصد مازرع من طيب ابذوره
تحت حكمه شيوخٍ دوننا القومان تدحمها = تولوها حرارً صارمه و فهود ونموره
وصارت مماكتنا فالطليعه من تقدمها = وحنا اليوم انجدد في الولا شيبان وبزوره
وابن شباب تال القول ياهل العرف يختمها = اختام المسك ذكر الله عدد ما رتلت سوره

تحياتي


.

.

.

.
بدر غالي

[حمود بن صدغان العصيمي]

صح لسان شاعرها

وسلمت يد ناقلها

تحياتي

[محمد العتيبي]

صح لسان الصوينع ..

وسلمت يداك يالغالي ..
...

التوقيع

للتواصل عبر twitter تويتر al_bargawy@

[عبدالله الجـــذع]

صح لسان شاعرنا القدير
الف شكر على هذه الصيده الرآئعه


محبك

,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[بدر غالي الصوينع]

حمود بن صدغان العصيمي





صح بدنك





والله لا يهينك




ومرورك شرف

[فيصل المسعودي]

صح لسان والدك

على هذه القصيدة الوافية

في هذه القبيلة العظيمة

فلقد سمعناها أثناء المزاين

واليوم نقرأها بيننا في المنتدى

شكراً بدر

تحياتي

[بدر غالي الصوينع]

ابو مشعاب





صح بدنك




والله لايهينك





ومرورك شرف

[بدر غالي الصوينع]

اخوي





عبدالله الجذع




مرحبا تراحيب المطر





وصح بدنك




ولا هنت على تفاعلك الطيب

[محمد الذيابـــي]

..

صح لساااااااااااانه..

...

التوقيع

التوقيع محمد الذيابـــي

[عايض جزاء العصيمي]

صح لسان ابو بدر مليون

على هالقصيده الجزله

وبالمناسبه بلغه سلامي وتحياتي

وشكرا لك يابدر على النقل

ولاتبخل علينا بجديده

وتحياتي وتقديري لك وللوالد