مجاراة لثلاثة ابيات ( فارس الصوينع)

[قـنـاص الـقـوافي]

السلام عليكم ورحمة الله وبركاته
هذه ٣ ابيات لي قديمه جاراها عدد من الشعراء الكفو
والحقيقه انا لا اعرف منهم الا شخص واحد
ولكن وصلني الرجال بأبياتهم.
وصحة السنتهم جميعا ً


\
الابيات التي جرت عليها المجاراه ابياتي:
فارس بن طلق الصوينع
‫..‬
انا عيوني طيلة الليل وقيٌض
واللي تنام الليل عينه حضيضه

طرد الهوى مافيه للحق تعويض
مافيه ياكود الجروح الغليضه

فـلاتامن الدنيا ولاتامن البيض
صيور ماقلبك حداهن تغيضه



\
مجاراة
الشاعر احمد القحطاني

جادت هجوس الشعر من صافي الهيض
ونا بعد ماقد وصلت الرويضه

دنياك فيها من العجايب غدت فيض
والليل لايخدعك سوده وبيضه

لكن قرب واعطني منك تفويض
ونا المداوي للقلوب المريضه



\
مجاراه
الشاعر علي اليامي

ياللي جمعت المر والهم والغييض
لين اصبحت روح المعنٌى مريضه

الحب منزاله مع البرد والقيض
ان احرقك ولا تجمد بفيضه

اما اصبر وسايره واكتم به الكيض
ولا اقطع دروب ٍ لقلبك معيضه



\
مجاراة
الشاعر مسعود اليامي

اللي سهر بالليل والناس غميض
فيما مضى من حاله الله يعيضه

صورتك بانت للعرب دون تحميض
والبحث جاري حسب رقم الحفيضه

يامحرض العالم على الحب تحريض
ماهي من السنه ولابالفريضه


تحيتي